වෙනස්කම් රැසක් සමගින් තරග බිමට පිවිසෙන දඹුල්ල සංචිතය මෙන්න

මීට පෙර දඹුල්ල කණ්ඩායම විසින් මෙවර තරගාවලිය සදහා ඔස්ට්‍රේලියාවේ D’Archy Short, Ben Cutting, නේපාලයේ Sandeep Lamichhane, නවසීලන්තයේ Tim Siefert, පාකිස්තානයේ Haider Ali හා කොදෙව් දූපත්හි Sheldon Cottrel යන විදෙස් ක්‍රීඩකයින් තෝරා ගෙන තිබුණා.

ජූලි මාසයේ පැවැති ක්‍රීඩක කෙටුම්පත් කිරීමේ (Draft) අවස්ථාවෙන් අනතුරුව එම විදෙස් ක්‍රීඩකයින් සිය කණ්ඩායමට තෝරා ගැනීමට දඹුල්ල කණ්ඩායම සමත් වූ නමුත්, තරගාවලිය මාස කිහිපයකින් කල් දැමීමට මීට පෙර ගත් තීරණයත් සමග මේ වන විට ප්‍රකාශයට පත් කර ඇති නවතම සංචිතයට D’Archy Short, Ben Cutting, Sandeep Lamichhane, Tim Siefert හා Sheldon Cottrel ඇතුළත්ව නැහැ.

නුවන් ප්‍රදීප් හා සාශා ද අල්විස් යන දේශීය ක්‍රීඩකයින් ද මීට පෙර සංචිතයට ඇතුළත්ව සිටි නමුත්, නවතම සංචිතයට ඔවුන් දෙදෙනා ඇතුළත්ව නැහැ.

මීට පෙර සංචිතයට ඇතුළත්ව නොසිටි ලහිරු කුමාර, ෂෙවෝන් ඩැනියල්, ලහිරු මදුෂංක හා චමිදු වික්‍රමසිංහ යන ක්‍රීඩකයින් මේ වන විට සංචිතයට නම් කර තිබෙනවා.

දඹුල්ල කණ්ඩායමේ නායකයා ලෙස මෙවර තරග වාරයේ දී ද දසුන් ශානක කටයුතු කරනු ඇති.