NEWS

ඉන්දීය පුහුණුකරු ශාස්ට්‍රීගේ වැටුප 20% කින් ඉහලට – නව වැටුප ශ්‍රී ලංකා මුදලින් මෙන්න

ඉන්දීය ක්‍රිකට් කණ්ඩායමේ ප්‍රධාන පුහුණුකරු ලෙස යළි පත් කෙරුණු රවී ශාස්ට්‍රීගේ වැටුප 20% කින් ඉහළ දමා ඇති බව ඉන්දීය මාධ්‍ය වාර්තා කරනවා.

2017 වසරේ සිට ඔහු කණ්ඩායමේ ප්‍රධාන පුහුණුකරු ලෙස කටයුතු කරන අතර, එහිදී ඔහුට වාර්ෂිකව හිමි වූ මුදල ඉන්දීය රුපියල් කෝටි 8ක් පමණ වන බව සදහන්.

කෙසේ වෙතත්, මෙම වසරේ දී ඔහුගේ කොන්ත්‍රාත් කාලය අවසන් වූ අතර, පසුව යළිත් සම්මුඛ පරීක්ෂණ පැවැත්වීමෙන් අනතුරුව 2021 වසර දක්වා ඔහු යළි ප්‍රධාන පුහුණුකරු ලෙස පත් කිරීමටයි එරට ක්‍රිකට් ආයතනය කටයුතු කළේ.

ඒ අනුව ඔහුගේ නව වැටුප 20% කින් ඉහළ ගොස් ඇති අතර, මේ වන විට වාර්ෂික ලැබෙන වැටුප ඉන්දීය රුපියල් කෝටි 10ක්.

එය ශ්‍රී ලංකා මුදලින් රුපියල් කෝටි 25ක් පමණ වනවා.

ඊට අමතරව පන්දු යැවීමේ පුහුණුකරු වන භාරට් අරුන් සහ පන්දු රැකීමේ පුහුණුකරු වන ආර්. ශ්‍රීධර්ගේ ද වාර්ෂික වැටුප ඉන්දීය රුපියල් කෝට් 3.5 දක්වා ඉහළ නංවා තිබෙනවා.

නව පිතිකරණ පුහුණුකරු වන Vikram Rathourගේ වාර්ෂික වැටුප ඉන්දීය රුපියල් කෝටි 3කට ආසන්නයි.


Leave a comment

Click to comment

Leave a Reply

Your email address will not be published. Required fields are marked *

The Latest

To Top