Watch : ඇලෙක්ස් හේල්ස් හා ශඩාබ් ඛාන් දරුණු අනතුරකට මුහුණ දුන් හැටි
2024 පාකිස්තාන සුපර් ලීග් ක්‍රිකට් තරගාවලිය යටතේ පැවැති 15 වැනි තරගයේ දී ඉස්ලාමාබාද් යුනයිටඩ් කණ්ඩායමේ ශඩාබ් ඛාන් හා ඇලෙක්ස් හේල්ස් ඊයේ (28) රාත්‍රියේ දී දරුණු අනතුරකට මුහුණ දුන්නා.
කරච්චිහීදී පැවැති තරගයේ දී යුනයිටඩ් කණ්ඩායමේ ප්‍රතිවාදීන් වූයේ කරච්චි කිංග්ස් කණ්ඩායමයි.
තරගයේ පළමුව පන්දුවට පහරදුන් කරච්චි කණ්ඩායම කඩුලු 5ක් දැවී ලකුණු 165 ක් ලබා ගනිමින් නියමිත පන්දුවාර 20 නිමා කළ අතර, ඉනිමේ අවසන් පන්දුවේ දී යි ඇලෙක්ස් හේල්ස් හා යුනයිටඩ් නායක ශඩාබ් ඛාන් එකිනෙකා ගැටීම නිසා අනතුරක් සිදු වුණේ. (දර්ශන පහතින්)
කයිරන් පොලාඩ් ඉහළින් එල්ල කළ පහරකින් පසුව උඩ පන්දුව රැක ගැනීමට යාමේ දී long-on හා long-off කලාපවල පන්දු රකිමින් සිටි ඔවුන් දෙදෙනා මෙලෙස එකිනෙකා ගැටීම සිදු වුණා.
කෙසේ වෙතත්, ඔවුන්ට අවශ්‍ය මූලික ප්‍රතිකාර ලබා දීමෙන් පසුව යළි යථා තත්ත්වයට පත් වූ අතර, ඉස්ලාමාබාද් ඉනිමේ දී පන්දුවට පහර දීමට ද ඔවුන් දෙදෙනා කටයුතු කළා.
පොලාඩ් මෙම තරගයේ දී පන්දු 28 කින් නොදැවී රැස් කළ ලකුණු සංඛ්‍යාව 48 ක්. පිළිතුරු ඉනිම ක්‍රීඩා කළ යුනයිටඩ් කණ්ඩායම පන්දුවාර 18.3 ක් අවසානයේ කඩුලු 3ක් දැවී සිටියදී ජයග්‍රාහී ඉලක්කය පසු කළා. ඒ අනුව ඔවුන් මෙම තරගයෙන් කඩුලු හතක ජයක් වාර්තා කළා.
කොලින් මන්රෝ ලකුණු 82(පන්දු 47) ක් හා ඇලෙක්ස් හේලස් ලකුණු 47(35) රැස් කළා.
Hope Shadab khan and Hales are fine… Get well soon boys 🤲#HBLPSL9 | #IUvkk | #KKvIU pic.twitter.com/qCGmovdguy
— Muhammad Noman (@nomanedits) February 28, 2024