කාන්තා ආසියානු T20 කුසලානයේ කාලසටහන නිවේදනය කෙරේ ; ශ්‍රී ලංකා කාලසටහන මෙන්න
එළඹෙන ආසියානු කුසලාන පන්දුවාර 20යි 20 කාන්තා ක්‍රිකට් තරගාවලියේ තරග කාලසටහන ආසියානු ක්‍රිකට් කවුන්සලය විසින් නිවේදනය කර තිබෙනවා.
තරගාවලිය ඔක්තෝබර් පළමු වැනිදා සිට 15 වැනිදා දක්වා පැවැත්වීමට නියමිතව ඇත්තේ බංග්ලාදේශයේ සිල්හෙට් හී දී යි.
ඔක්තෝබර් පළමු වැනිදා තරග දෙකක් පැවැත්වීමට නියමිතව ඇති අතර, එහිදී සත්කාරක බංග්ලාදේශය හා තායිලන්තයත්, ශ්‍රී ලංකා හා ඉන්දියාවත් තරග වැදීමට නියමිතව තිබෙනවා.
Also Read : 20යි 20 ආසියානු කුසලානයට ශ්‍රී ලංකා කාන්තා සංචිතය නිවේදනය කෙරේ
අනතුරුව ඔක්තෝබර් දෙවැනිදා ශ්‍රී ලංකා කණ්ඩායම එක්සත් අරාබි එමීර් රාජ්‍ය කණ්ඩායමට එරෙහිව ද තරග වැදීමට නියමිතයි.
ශ්‍රී ලංකා කණ්ඩායම ක්‍රීඩා කරන තෙවැනි තරගය තායිලන්තයට එරෙහිව පැවැත්වෙන්නේ ඔක්තෝබර් 4 වැනිදායි.
ශ්‍රී ලංකා කණ්ඩායමට ඔක්තෝබර් 8 වැනිදා මැලේසියාවට එරෙහිවත්, ඔක්තෝබර් 10 වැනිදා බංග්ලාදේශයට එරෙහිවත්, ඔක්තෝබර් 11 වැනිදා පාකිස්තානයට එරෙහිවත් තරග යෙදී තිබෙනවා.
බොහෝ දෙනෙකුගේ අවධානය යොමුව ඇති ඉන්දියාව හා පාකිස්තානය අතර තරගය පැවැත්වෙන්නේ ඔක්තෝබර් 7 වැනිදායි.
රටවල් 7 ක් මෙවර තරගාවලිය සදහා ක්‍රීඩා කරන අතර, ආසියානු කුසලාන කාන්තා තරගාවලිය සදහා එක්සත් අරාබි එමීර් රාජ්‍ය කණ්ඩායම පළමු වරට ක්‍රීඩා කිරීම ද විශේෂත්වයක්.
තරගාවලියේ අවසන් පූර්ව තරග ඔක්තෝබර් 13 වැනිදා පැවැත්වීමට නියමිතයි. අවසන් මහා තරගය පැවැත්වෙන්නේ ඔක්තෝබර් 15 වැනිදායි.
I am extremely delighted to announce the schedule for the 8th edition of the #WomensAsiaCup 2022 @ACCMedia1
Get set for some amazing matches & watch the women create history starting 1st October, with the final showdown on 15th October#PlayBeyondBoundaries #ACC #GetReadyForEpic pic.twitter.com/ifj43xzBs0— Jay Shah (@JayShah) September 20, 2022