Lunch Report : එංගලන්තය ලකුණු 390 ක් ඉදිරියෙන්
ශ්‍රී ලංකාව හා එංගලන්තය අතර පැවැත්වෙන දෙවැනි ටෙස්ට් ක්‍රිකට් තරගයේ තෙවැනි දිනය අදයි(31).
ලෝඩ්ස් හී දී පැවැත්වෙන තරගයේ තෙවැනි දිනය සදහා තරගය අද ආරම්භ කරන විට සිය දෙවැනි ඉනිම ක්‍රීඩා කරමින් සිටි එංගලන්තය කඩුල්ලක් දැවී ලකුණු 25 ක් ලබා සිටි අතර, දිවා ආහාරය සදහා තරගය නතර කරන විට ඔවුන් කඩුලු 4 ක් දැවී ලකුණු 159 ක් ලබා සිටියා.
ඒ අනුව එංගලන්තය මේ වන විට දෙවැනි ඉනිමේ දී ඉදිරියෙන් පසුවන ලකුණු සංඛ්‍යාව 390 ක්.
නොදැවී පන්දුවට පහර දෙමින් සිටින ජෝ රූට් ලකුණු 45 ක් හා ජෙමී ස්මිත් ලකුණු 23 ක් ලබා කඩුල්ලේ රැදී සිටිනවා.
දිනයේ පළමු කඩුල්ල ලෙස බෙන් ඩකට් ලකුණු 24 කට දැවී ගියා. මිලාන් රත්නායකගේ පන්දුවක් හමුවේ ගලී හි පන්දු රකිමින් සිටි ක්‍රීඩකයා දෙසට උඩ පන්දුවක් ලබා දෙමිනුයි ඩකට් දැවී ගියේ. කෙසේ වෙතත්, ගලීහි පන්දු රකිමින් සිටි නිශාන් මදුෂ්කට එය සුරක්ෂිතව රැක ගැනීමට නොහැකි වූ නමුත්, ඔහුගේ අතෙහි වැදී අදාළ උඩ පන්දුව දෙවැනි ස්ලිප්හි පන්දු රකිමින් සිටි ඇන්ජෙලෝ මැතිව්ස් අතට ඇදී ගියා.
අනතුරුව ඔලී පෝප් ලකුණු 17 කට දවා ගැනීමට සමත් වුණේ අසිත ප්‍රනාන්දු විසින්. ඒ, ප්‍රභාත් ජයසූරිය රැක ගත් උඩ පන්දුවක් හමුවේයි.
හැරී බෘෘක් ලකුණු 37 ක් ලබා සිටියදී ප්‍රභාත් ජයසූරියගේ පන්දුවක් හමුවේ දැවී ගියා.
— cric sl (@cricslvideo) August 31, 2024