Ultimate magazine theme for WordPress.


ශාරුක් ඛාන්ගේ ප්‍රධානත්වයෙන් චමරි සමග WPL අද ඇරඹේ

By Editor-in-chief

ඉන්දියාවේ පැවැත්වෙන කාන්තා ප්‍රිමියර් ලීග් (WPL) ක්‍රිකට් තරගාවලිය අද(23) ආරම්භ වනවා.

තරගාවලියේ පළමු තරගය අද රාත්‍රී අටට බැංගලූරුහී දී ආරම්භ වීමට නියමිතව ඇත්තේ දිල්ලි කැපිටල්ස් කාන්තා කණ්ඩායම හා මුම්බායි ඉන්දියන්ස් කාන්තා කණ්ඩායම අතරයි.

තරගාවලියට තරග 22 ක් ඇතුළත් අතර, කණ්ඩායම් පහක් ශූරතාවය වෙනුවෙන් තරග වදිනවා. අවසන් මහා තරගය පැවැත්වීමට නියමිතව ඇත්තේ මාර්තු 17 වැනිදායි.

තරගාවලිය සදහා මෙවර ශ්‍රී ලංකා නායිකා චමරි අතපත්තු ක්‍රීඩා කරනවා. යූපී වොරියර්ස් කණ්ඩායම වෙනුවෙන් ඇය ක්‍රීඩා කරන අතර, ඉන්දීය රුපියල් ලක්ෂ 30 ක වටිනාකමක් යටතේයි වොරියර්ස් කණ්ඩායම සමග චමරි ආදේශක ක්‍රීඩිකාවක් ලෙස ගිවිසුම්ගත වුණේ.

යූපී වොරියර්ස් කාන්තා කණ්ඩායම ක්‍රීඩා කරන පළමු තරගය හෙට බැංගලූරුහී දී ම රෝයල් චැලෙන්ජර්ස් බැංගලෝර් කාන්තා කණ්ඩායමට එරෙහිව පැවැත්වීමට නියමිතයි. එම තරගය ආරම්භ වන්නේ රාත්‍රී 7.30 ටයි.

තරගාවලියේ පළමු තරග 11 බැංගලූරුහී දී පැවැත්වීමට නියමිත අතර, සෙසු තරග දිල්ලිහීදී පැවැත්වීමට නියමිතව තිබෙනවා.

මේ අතර, තරගාවලියේ සමාරම්භක උත්සවය අද පස්වරු 6.30ට බැංගලූරු හි චින්නස්වාමි ක්‍රීඩාංගනයේ දී ආරම්භ වීමට නියමිතයි.

සුපිරි බොලිවුඩ් තරු වන ශාරුක් ඛාන්, සිද්ධාර්ත් මල්හෝත්‍රා, කාර්තික් ආර්යන්, ටයිගර් ශ්‍රෝෆ්, වරුන් ධාවන් හා ශහිඩ් කපූර් සමාරම්භක උත්සවය විචිත්‍රවත් කිරීමට නියමිත බවයි තරගාවලියේ සංවිධායකයින් නිවේදනය කළේ.

තරගාවලියේ නිල රූපවාහිනී විකාශන අයිතිව හිමිව ඇත්තේ Sports18 නාලිකාවටයි.

Leave a comment