Ultimate magazine theme for WordPress.

වනිදුගේ උත්සාහය අපතේ යයි – තීක්ෂණගේ හා දුනිත්ගේ දක්ෂතා හමුවේ රෝයල්ස් පිලට තියුණු ජයක්

ඉනිමේ පළමු කඩුලු තුනම ලකුණු බින්දුවේ දී දවා ගැනීමට මහීෂ් තීක්ෂණ හා දුනිත් වෙල්ලාලගේ සමත් වීම කැපී පෙනුණා.

By admin

කැරිබියන් ප්‍රිමියර් ලීග් ක්‍රිකට් තරගාවලියේ 9 වැනි තරගයේ දී මහීෂ් තීක්ෂණ හා දුනිත් වෙල්ලාලගේ ප්‍රදර්ශනය කළ විශිෂ්ඨ දක්ෂතා හමුවේ වනිදු හසරංගගේ උත්සාහය අපතේ යවමින් St Kitts and Nevis Patriots කණ්ඩායම පරදා කඩුලු දෙකක තියුණු ජයක් වාර්තා කිරීමට Barbados Royals කණ්ඩායම සමත් වුණා.

ශාන්ත කිට්ස් හි වෝනර් පාර්ක් ක්‍රීඩාංගනයේ පැවැති තරගයේ පළමුව පන්දුවට පහරදුන් Nevis Patriots කණ්ඩායම කඩුලු 8 ක් දැවී ලකුණු 153 ක් ලබා ගත්තා.

ඉනිමේ පළමු කඩුලු තුනම ලකුණු බින්දුවේ දී දවා ගැනීමට මහීෂ් තීක්ෂණ හා දුනිත් වෙල්ලාලගේ සමත් වීම කැපී පෙනුණා. එහිදී පළමු පන්දුවාරයේ දී තීක්ෂණ විසින් එවින් ලුවිස් හා ක්යල් මේයර්ස් ලකුණු බින්දුවකට දවා ගැනීමට සමත් වූ අතර, දෙවැනි පන්දුවාරයේ දී ඇන්ඩ්‍රි ෆ්ලෙචර් ලකුණු නොලබා සිටියදී දවා ගැනීමට වෙල්ලාලගේ සමත් වුණා.

බිද වැටුණු ඉනිමට ජීවයක් එක් කළ වනිදු හසරංග පන්දු 27 කින් ලකුණු 40 ක් ලබා ගත්තේ හයේ පහරක් හා හතරේ පහර 5 ක් සමගින්.

පන්දු යැවීමේ දී මහීෂ් තීක්ෂණ සිය පන්දුවාර 4 තුළ දී ලකුණු 16 කට කඩුලු 2 ක් දවා ගත් අතර, දුනිත් වෙල්ලාලගේ ලකුණු 35 කට කඩුලු 3 ක් දවා ගත්තා.

පිළිතුරු ඉනිම ක්‍රීඩා කළ Barbados Royals කණ්ඩායම ඉනිම නිමා වීමට පන්දුවක් ඉතිරිව තිබියදී ජයග්‍රාහී ඉලක්කය පසු කළේ කඩුලු 8ක් දැවී සිටියදීයි.

ඉනිමේ වැඩිම ලකුණුලාභියා වූ දුනිත් වෙල්ලාලගේ පන්දු 32 කින් ලකුණු 39 ක් රැස් කළා. ඒ, හතරේ පහර 5 ක් සමගින්. තුන් ඉරියව්වෙන්ම දක්ෂතා දැක් වූ ඔහු තරගයේ වීරයා සම්මානයෙන් ද පිදුම් ලැබුවා.

පන්දු යැවීමේ ක්යල් මේයර්ස් කඩුලු දෙකක් බිද හෙලූ අතර, වනිදු හසරංග ලකුණු 33 කට කඩුල්ලක් දවා ගත්තා.

ලකුණු බින්දුවේ දී දැවී ගිය කඩුලු 3 පහතින් නරඹන්න –

දුනිත්ගේ තුන් ඉරියව් දක්ෂතා පහතින් නරඹන්න –