“මම ගොඩක් කම්පනයට පත් වුණා” : චමරි අලෙවි නොවීම ගැන මුම්බායි පුහුණුකරු කියපු දේ
කාන්තා ප්රිමියර් ලීග් (WPL) ක්රිකට් තරගාවලියේ ක්රීඩිකාවන් වෙන්දේසිය ඊයේ පස්වරුවේ මුම්බායි හී දී නිමා වුණේ ශ්රී ලංකා නායිකා චමරි අතපත්තු කිසිදු කණ්ඩායමක් විසින් මිලදී නොගැනීමට ගත් තීරණය ලොව පුරා බොහෝ දෙනෙකුගේ දැඩි අවධානයට ලක් කරමින්.
මේ වන විට එම තීරණය සම්බන්ධයෙන් ලොව පුරා ක්රීඩා විචාරකයින්, ක්රීඩක ක්රීඩිකාවන්, පුහුණුකරුවන් මෙන්ම ක්රීඩා මාධ්ය දැඩි විස්මයක් පල කර තිබීම කැපී පෙනෙනවා.
මීට දින කිහිපයකට පෙර නිමා වූ ඔස්ට්රේලියානු කාන්තා බිග් බෑෂ් ලීග් තරගාවලියේ වීරවරිය සම්මානයෙන් පිදුම් ලැබුවේ චමරි අතපත්තු.
එම තරගාවලියේ දී සිඩ්නි තන්ඩර් කණ්ඩායම නියෝජනය කළ චමරි ඉනිම් 14 කදී ලකුණු 552 ක් රැස් කළා. ඒ, ඉනිමක සාමාන්ය 42.46 ක් ලෙස සටහන් කර ගනිමින්. තරගාවලියේ දෙවැනි වැඩිම ලකුණුලාභිනිය වූයේ ද ඇයයි.
ඒ අනුව ඊයේ පැවැති වෙන්දේසිය ආරම්භ වීමට පෙර බොහෝ ක්රීඩා විචාරකයින් මත පල කර තිබුණේ චමරි අතපත්තු ඉහළ ලංසුවකට එළඹෙන කාන්තා ප්රිමියර් ලීග් තරගාවලිය වෙනුවෙන් අලෙවි වනු ඇති බවටයි.
I’m going with Annabel Sutherland to attract the highest bid. Chamari Attapattu followed by Dottin/Ismail. Let’s see. #WPLAuction @JioCinema
— Aakash Chopra (@cricketaakash) December 9, 2023
කෙසේ වෙතත්, එම මත දැරූවන් ද සම්පූර්ණයෙන්ම මවිතයට පත් කරමින් චමරිව මිලදී ගැනීමට කිසිදු කණ්ඩායමක් වෙන්දේසියේ දී ඉදිරිපත් වූයේ නැහැ.
ඒ, පසුගිය වසරේ පැවැති ක්රීඩිකාවන් වෙන්දේසියේ දී ද මේ ආකාරයෙන්ම චමරි අතපත්තු මිලදී ගැනීමට කිසිදු කණ්ඩායමක් ඉදිරිපත් නොවූ පසුබිමකයි.
අතපත්තු ඉන්දීය රුපියල් ලක්ෂ 30 ක මූලික වටිනාකමක් හිමි කාණ්ඩයෙන් වෙන්දේසිය සදහා මෙවර ඉදිරිපත් වී සිටියා. ශ්රී ලංකාවේ ඉනෝකා රණවීර ද ලියාපදිංචි වී සිටියේ ඉන්දීය රුපියල් ලක්ෂ 30 ක මූලික වටිනාකමක් හිමි කාණ්ඩය යටතේයි. නමුත්, ඔවුන් දෙදෙනාම අලෙවි වූයේ නැහැ.
චමරි අතපත්තු අලෙවි නොවීම සම්බන්ධයෙන් අදහස් දක්වමින් මුම්බායි ඉන්දියන්ස් කණ්ඩායමේ පුහුණුකාරිණී Charlotte Edwards මාධ්ය වෙත සදහන් කර සිටියේ කිසිදු කණ්ඩායමක් විසින් ඇයව මිලදී නොගැනීම පිළිබද තමා දැඩි ලෙස කම්පනයට පත්ව ඇති බවයි.
“මම හිතුවේ ඇය ඉහළම මිලදී ගැනීම් තුනෙන් එකක් වේවි කියලා. ඇයව මිලදී නොගැනීම ගැන මම කම්පනයට පත්ව සිටිනවා. ඇය පසුගිය මාස 12 තුළ ෆ්රැන්චයිස් ක්රිකට් ක්රීඩාවේ විශිෂ්ට දස්කම් දැක්වූ උසස් තත්ත්වයේ ක්රීඩිකාවක්.” යනුවෙන් Charlotte Edwards කියා සිටියා.
Like everyone else, I am perplexed that Deandra Dottin and Chamari Athapaththu are going unsold. Five franchises having done their homework don’t bid. Keen to know the story. @ghosh_annesha @ZENIADCUNHA @WomensCricZone
— Harsha Bhogle (@bhogleharsha) December 9, 2023
Chamari Athapaththu 🤔🤔🤔 #WPL So she has to do some much more than otherd on the park and she has done it but still no takers ..strange one this… 🤔🤔🤔really strange …
— Russel Arnold (@RusselArnold69) December 9, 2023
BREAKING NEWS!!
Chamari Athapaththu goes UNSOLD in the 1st round.#CricketTwitter | #WPLAuction | #WPL2024 pic.twitter.com/IHRsjF7NDF
— Female Cricket (@imfemalecricket) December 9, 2023