Update : ක්‍රීඩාංගන සේවකයින්ට ආසියානු ක්‍රිකට් කවුන්සලයෙන් හා සිරාජ්ගෙන් මූල්‍ය ත්‍යාග
මහනුවර පල්ලේකැලේ ක්‍රීඩාංගනයේ හා කොළඹ ආර්. ප්‍රේමදාස ක්‍රීඩාංගනයේ තණතීරු භාරකරුවන්ට හා ක්‍රීඩාංගන සේවකයින්ට මූල්‍ය ත්‍යාග පිරිනැමීමට ආසියානු ක්‍රිකට් කවුන්සලය හා ශ්‍රී ලංකා ක්‍රිකට් ආයතනය විසින් පියවර ගත්තා.
ඒ, මෙවර ආසියානු කුසලාන එක්දින ක්‍රිකට් තරගාවලිය සාර්ථක කර ගැනීම සදහා ඔවුන් දැක් වූ සුවිශේෂී දායකත්වය හේතුවෙන්.
ඒ අනුව තරගාවලියේ අවසන් තරගයෙන් පසුව ඔවුන් වෙනුවෙන් ඇමෙරිකානු ඩොලර් 50,000 ක මූල්‍ය ත්‍යාගයක් ලබා දීමටයි පියවර ගැණුනේ.
එනම් ශ්‍රී ලංකා මුදලින් රුපියල් මිලියන 16 ක පමණ මුදලක්.
මෙවර තරගාවලියේ තරග රැසකට වර්ෂාවෙන් බාධා එල්ල වූ අතර, එහිදී තරග පැවැත්වීම වෙනුවෙන් ක්‍රීඩාංගන සේවකයින් දැක් වූ දායකත්වය පාර්ශව රැසක ඇගයීමට ලක් වුණා.
මේ අතර, තරගයේ වීරයා සම්මානයෙන් පිදුම් ලැබූ ඉන්දියාවේ මොහමඩ් සිරාජ් ද එම සම්මානය වෙනුවෙන් තමන්ට හිමි වූ ත්‍යාග මුදල (US $5000) ක්‍රීඩාංගන සේවකයින් වෙනුවෙන් පරිත්‍යාග කිරීමට කටයුතු කිරීම ද විශේෂත්වයක්.
(අවසන් මහා තරගයෙන් පසුව මෙම පුවත යාවත්කාලීන කර ඇත)
🏏🏟️ Big Shoutout to the Unsung Heroes of Cricket! 🙌
The Asian Cricket Council (ACC) and Sri Lanka Cricket (SLC) are proud to announce a well-deserved prize money of USD 50,000 for the dedicated curators and groundsmen at Colombo and Kandy. 🏆
Their unwavering commitment and…
— Jay Shah (@JayShah) September 17, 2023