එක් පන්දුවකට review දෙකයි ; review එකේ තීරණය අශ්වින් යළි review කරයි
විනිසුරු තීරණ නැවත විමසීමේ ක්‍රමවේදය (review) ඔස්සේ තෙවැනි විනිසුරු සංශෝදනය කළ තීරණයක් ඉන්දීය දග පන්දු යවන ක්‍රීඩක ආර් අශ්වින් විසින් යළි විනිසුරු තීරණ නැවත විමසීමේ ක්‍රමවේදය හරහා අභියෝගයට ලක් කිරීමේ සිද්ධියක් තමිල් නාඩු ප්‍රිමියර් ලීග් ක්‍රිකට් තරගාවලියෙන් වාර්තා වනවා.
Coimbatore හී දී Dindigul Dragons කණ්ඩායම හා Ba11sy Trichy කණ්ඩායම අතර පැවැති තරගයේ දී යි මෙම සිද්ධිය වී ඇත්තේ.
තරගයේ Trichy ඉනිමේ 13 වැනි පන්දුවාරය අශ්වින් විසින් යොමු කළ අතර, එහිදී R Rajkumar කඩුලු රකින්නා අතට උඩ පන්දුවක් ලබා දී දැවී ගිය බව පිටියේ විනිසුරු K Srinivasan තීන්දු කළා.
එම තීරණය විනිසුරු තීරණ නැවත විමසීමේ ක්‍රමවේදය ඔස්සේ අභියෝගයට ලක් කිරීමට පිතිකරු Rajkumar කටයුතු කළ අතර, එහිදී තෙවන විනිසුරු තීරණය කළේ එය නොදැවී යාමක් ලෙසයි.
පන්දුව පිත්ත ආසන්නයට ළගා වීමට මොහොතකට පෙර UltraEdge තාක්ෂණය ඔස්සේ යම් ශබ්ද තරංගයක් දැක ගත හැකි වූ නමුත්, එය පිත්ත තණතීරුවේ වැදීම නිසා ඇති වන ශබ්ද තරගයක් ලෙසයි හදුනා ගැණුනේ.
කෙසේ වෙතත්, තෙවන විනිසුරුගේ එම තීරණයට එකග නොවූ අශ්වින් තෙවන විනිසුරු සංශෝදනය කළ තීන්දුව යළිත් වරක් ඔහු විසින් ද විනිසුරු තීරණ නැවත විමසීමේ ක්‍රමවේදය හරහා අභියෝගයට ලක් කිරීමට කටයුතු කළා.
ඒ අනුව තෙවන විනිසුරුට යළි එම තීරණය සලකා බැලීම සදහා යොමු කෙරුණු නමුත් තෙවන විනිසුරු යළිත් තීරණය කළේ එය දැවීයාමක් නොවන බවයි.