Watch : රෂීඩ් ඛාන්ගෙන් IPL පිටියේ දී කඩුලු ත්රිත්වයක්
ගුජරාට් ටයිටන්ස් කණ්ඩායමේ දග පන්දු යවන ක්රීඩක රෂීඩ් ඛාන් මෙවර ඉන්දීය ප්රිමියර් ලීග් ක්රිකට් තරගාවලිය යටතේ අද(9) පැවැති පළමු තරගයේ දී කඩුලු ත්රිත්වයක් (Hat-trick) දවා ගැනීමට සමත් වුණා.
කොල්කටා නයිට් රයිඩර්ස් කණ්ඩායමට එරෙහිව පැවැති මෙම තරගය මෙවර තරගාවලියේ 13 වැනි තරගය වන අතර, තරගය පැවැත්වුණේ අහ්මදාබාද් හී දී යි.
තරගයේ කාසියේ වාසිය දිනා පළමුව පන්දුවට පහරදුන් ගුජරාට් කණ්ඩායම නියමිත පන්දුවාර 20 අවසානයේ කඩුලු 4 ක් දැවී ලකුණු 204 ක් ලබා ගත්තා.
කොල්කටා කණ්ඩායම පිළිතුරු ඉනිම ක්රීඩා කිරීමේ දී යි වැඩබලන නායක රෂිඩ් ඛාන් කඩුලු ත්රිත්වයක් දවා ගත්තේ.
ඉනිමේ 17 වැනි පන්දුවාරයේ පළමු පන්දු තුනේ දී ඔහු මෙම දක්ෂතාවය දක්වනු ලැබුවා.
ඔහුගේ පන්දු හමුවේ පිළිවෙලින් දැවී ගියේ අන්ඩ්රි රසල්, සුනිල් නරේන් හා ශර්දුල් තාකූර් යන පිතිකරුවන්.
දැවී යන විට රසල් එක් ලකුණක් ලබා සිටි අතර, අනෙක් පිතිකරුවන් දෙදෙනාටම ලකුණු රැස් කිරීමට හැකි වූයේ නැහැ.
𝐇𝐀𝐓-𝐓𝐑𝐈𝐂𝐊 𝐟𝐨𝐫 𝐑𝐚𝐬𝐡𝐢𝐝 𝐊𝐡𝐚𝐧! 👏 👏
Andre Russell ✅
Sunil Narine ✅
Shardul Thakur ✅We have our first hat-trick of the #TATAIPL 2023 & it's that man – @rashidkhan_19! 🙌 🙌
Follow the match ▶️ https://t.co/G8bESXjTyh#TATAIPL | #GTvKKR | @gujarat_titans pic.twitter.com/fJTg0yuVwu
— IndianPremierLeague (@IPL) April 9, 2023