කොදෙව්වන් ලකුණු 409 ක් පිටුපසින්
Day 2 Report
සංචාරක බටහිර ඉන්දීය කොදෙව් කණ්ඩායම හා ඔස්ට්රේලියානු කණ්ඩායම අතර පැවැත්වෙන දෙවැනි හා අවසන් ටෙස්ට් ක්රිකට් තරගයේ දෙවැනි දිනය ඇඩිලේඩ් හී දී අද (9) නිමා වුණේ තරගයේ පාලනය සත්කාරක කණ්ඩායමට හිමි කර දෙමින්.
දිනය නිමා වන විට සිය පළමු ඉනිම ක්රීඩා කරමින් සිටි කොදෙව් කණ්ඩායම කඩුලු 4 ක් දැවී ලබා සිටි ලකුණු සංඛ්යාව 102 ක්. ඒ, තරගයේ පළමුව පන්දුවට පහරදුන් ඔස්ට්රේලියානුවන් කඩුලු 7ක් දැවී ලකුණු 511 ක් ලබා සිටියදී ඉනිම අත්හිටුවීමට ගත් තීරණයට ප්රතිචාර ලෙසයි.
ඒ අනුව කොදෙව් කණ්ඩායම මේ වන විට පළමු ඉනිමේ දී පිටුපසින් පසුවන ලකුණු සංඛ්යාව 409 ක්.
කොදෙව් ඉනිම වෙනුවෙන් ටගෙනරීන් චන්දර්පෝල් නොදැවී ලකුණු 47 ක් ලබා කඩුල්ලේ රැදී සිටින අතර, කෙයිග් බ්රැත්වෙයිට් හා ඩෙවෝන් තෝමස් ලකුණු 19 බැගින් රැස් කළා.
පන්දු යැවීමේ දී මයිකල් නෙසර් කඩුලු 2 ක් දවා ගත්තා. නේදන් ලයන් හා කැමරන් ග්රීන් අතරේ කඩුල්ල බැගින් බෙදී ගියා.
දිවා රාත්රී තරගයක් ලෙස පැවැත්වෙන මෙම තරගයේ පළමුව පන්දුවට පහරදුන් ඔස්ට්රේලියාව වෙනුවෙන් ට්රැවිස් හෙඩ් ලකුණු 175 ක් හා මර්නස් ලබුෂේන් ලකුණු 163 ක් රැස් කළා.
පන්දු යැවීමේ දී අල්සාරි ජෝසප් හා ඩෙවෝන් තෝමස් කඩුලු 2 බැගින් බිද හෙලුවා.