ලෝක කුසලාන ශ්‍රී ලංකා සංචිතයට තවත් අමතර ක්‍රීඩකයින් 5ක්
එළඹෙන පන්දුවාර 20යි 20 ලෝක කුසලාන ක්‍රිකට් තරගාවලිය සදහා තවත් අමතර ක්‍රීඩකයින් 5 දෙනෙකු රැගෙන යාම කෙරෙහි ශ්‍රී ලංකා ක්‍රිකට් තේරීම් කමිටුවේ අවධානය යොමුව තිබෙනවා.
ඒ සම්බන්ධයෙන් ක්‍රිකට් ආයතනය වෙත ද තේරීම් කමිටුව විසින් දැනුම් දී ඇති බවයි වාර්තා වන්නේ.
ක්‍රීඩකයින් මුහුණ දී ඇති ආබාධ ගැටලු හේතුවෙන් මෙම තීරණය ගෙන ඇති බව සදහන්.
මේ වන විට ලෝක කුසලාන තරගාවලිය සදහා ක්‍රීඩකයින් 15 දෙනෙකුගෙන් යුත් සංචිතයක් ශ්‍රී ලංකා ක්‍රිකට් ආයතනය විසින් ප්‍රකාශයට පත් කර තිබෙනවා.
Related Posts
එම සංචිතයට අමතරව අතිරේක ක්‍රීඩකයින් සිව් දෙනෙකු ද එක්සත් අරාබි එමීර් රාජ්‍ය වෙත රැගෙන යාම සදහා නම් කෙරුණා.
නමුත් මේ වන විට කුසල් ජනිත් පෙරේරා හා ළහිරු මදුෂංක ආබාධවලට ලක්වීමත් සමගයි අතිරේක ක්‍රීඩකයින් සම්බන්ධයෙන් වැඩි අවධානයක් යොමුව ඇත්තේ.
ළහිරු මදුෂංක වෙනුවට බොහෝ විට මිනෝද් භානුක සංචිතයට ඇතුළත් විය හැකි බව අප මීට පෙර ද තොරතුරු වාර්තා කළා.
කුසල් ජනිත්ට මෙවර ලෝක කුසලාන තරගාවලිය අහිමි වනු ඇත්දැයි මෙතෙක් නිශ්චිතව ප්‍රකාශයට පත්ව නැහැ.
මෙවැනි පසුබිමක් යටතේයි තවත් අමතර ක්‍රීඩකයින් 5 දෙනෙකු තරගාවලිය වෙනුවෙන් රැගෙන යාමට ශ්‍රී ලංකා ක්‍රිකට් බළධාරීන් අවධානය යොමු කර ඇත්තේ.
With several injury concerns, Sri Lanka’s selectors have asked the board to carry extra players for the World Cup. Accordingly, five additional players will travel to UAE .
— Rex Clementine (@RexClementine) September 16, 2021