CPL තවත් තරග දෙකක් අද; ශාන්ත කිට්ස් තවදුරටත් ප්‍රසාද ලකුණු සටහනේ පෙරමුණේ
කැරිබියන් ප්‍රිමියර් ලීග් හෙවත් CPL තරගාවලියේ තවත්තරග දෙකක් අද(4) දිනයේ දී පැවැත්වෙනවා.
දිනයේ පළමු තරගය මෙරට වේලාවෙන් රාත්‍රී 7.30ට ආරම්භ වන්නේ ශාන්ත කිට්ස් ඇන්ඩ් නෙවිස් පැට්‍රියෝට්ස් කණ්ඩායම හා ශාන්ත ලුසියා කිංග්ස් කණ්ඩායම අතරයි.
තරගාවලියේ 16 වැනි තරගය ලෙස බාර්බඩෝස් රෝයල්ස් හා ගයානා ඇමසන් වොරියර්ස් කණ්ඩායම් අතර තරගය මෙරට වේලාවෙන් මධ්‍යම රාත්‍රී 12ට ආරම්භ වීමට නියමිතයි.
සුපුරුදු පරිදි ශාන්ත කිට්ස්හි වෝනර් පාර්ක් ක්‍රීඩාංගනයේ දී එම තරග ද පැවැත්වීමට නියමිතව තිබෙනවා.
ශාන්ත කිට්ස් ඇන්ඩ් නෙවිස් පැට්‍රියෝට්ස් කණ්ඩායම මේ වන විට ප්‍රසාද ලකුණු සටහනේ පෙරමුණේ පසුවන්නේ සහභාගී වූතරග පහම ජය ගනිමින්.
ඔවුන් පසුගියදා බාර්බඩෝස් රෝයල්ස් කණ්ඩායම සමග පැවැති මෙවර තරගාවලියේ 14 වැනි තරගයෙන් කඩුලු 2ක තියුණු ජයක් වාර්තා කිරීමට ද සමත් වුණා.
අවසන් පන්දුව දක්වා ජයග්‍රහනය කණ්ඩායම් දෙකටම දෝලනය වූ මෙම තරගයෙන් ශාන්ත කිට්ස් කණ්ඩායමට ජය ගෙන ආවේ ෂෙල්ඩන් කොට්‍රෙල් අවසන් පන්දුවට එල්ල කළ හයේ පහරත සමගයි.
අවසන් පන්දුවට තරගය ජය ගැනීම සදහා ලකුණු 4ක් අවශ්‍යව තිබූ මොහොතක ඔහු එම හයේ පහර එල්ල කළා.
ලකුණු සාරාංශය –
බාර්බඩෝස් රෝයල්ස් 160/8 (20)
ශාන්ත කිට්ස් ඇන්ඩ් නෙවිස් පැට්‍රියෝට්ස් 163/8 (20)
Hope is CASTLED and Van Meekeren picks up the @fun88eng magic moment for match 14. #CPL14 #SKNPvBR #CricketPlayedLouder #FUN88 pic.twitter.com/BgLQkWZ3kT
— CPL T20 (@CPL) September 3, 2021