IPL පිටියට තරග ගාස්තු හදුන්වා දෙයි – තරගයක් සදහා ක්‍රීඩකයෙකුට හිමි වන මුදල මෙන්න
ඉන්දීය ප්‍රිමියර් ලීග් ක්‍රිකට් තරගාවලියේ 2025 අදියරේ සිට ක්‍රීඩකයෙකු සදහා පළමු වරට තරග ගාස්තු ලබා දීමේ ක්‍රමවේදයක් හදුන්වා දී තිබෙනවා.
ඒ අනුව එක් තරගයක් වෙනුවෙන් ක්‍රීඩකයෙකුට ඉන්දීය රුපියල් ලක්ෂ 7.5 ක මුදලක් (ශ්‍රී ලංකා මුදලින් රුපියල් ලක්ෂ 26.7) තරග ගාස්තු වශයෙන් ගෙවීමට නියමිතයි.
ක්‍රීඩකයෙකු කණ්ඩායමක් සමග ගිවිසුම්ගත වන මුදලට අමතරවයි මෙම තරග ගාස්තු ඔහුට හිමි වන්නේ.
ඒ අනුව එක් තරගාවලියකදී මූලික වටයේ තරග 14 සදහාම ක්‍රීඩකයෙකු ක්‍රීඩා කළහොත් ඔහුට ඉන්දීය රුපියල් කෝටි 1.05 ක තරග ගාස්තු ප්‍රමාණයක් හිමි වනවා.
මෙය Impact Player ඇතුළුව තරගයකට ක්‍රීඩා කරන එක් කණ්ඩායමක ක්‍රීඩකයින් 12 දෙනාටම හිමි වන බවයි තරගාවලියේ සංවිධායකයින් නිවේදනය කළේ.
ඒ අනුව සෑම කණ්ඩායමක්ම තරග ගාස්තු ලෙස එක් තරගාවලියක් වෙනුවෙන් වෙන් කළ යුතු මුදල ඉන්දීය රුපියල් කෝටි 12.60 ක්. එනම් ශ්‍රී ලංකා මුදලින් රුපියල් කෝටි 44.93 ක්.
In a historic move to celebrate consistency and champion outstanding performances in the #IPL, we are thrilled to introduce a match fee of INR 7.5 lakhs per game for our cricketers! A cricketer playing all league matches in a season will get Rs. 1.05 crores in addition to his…
— Jay Shah (@JayShah) September 28, 2024