දීර්ඝ එංගලන්ත තරග සංචාරය ආරම්භ කරමින් ඉන්දීය ක්‍රිකට් කණ්ඩායම අද(3) එංගලන්තයට ළගා වී තිබෙනවා.
ඔවුන් ඊයේ පස්වරු කාලයේ දී ඉන්දියාවෙන් පිටත්ව ගියේ ටෙස්ට් තරග 6ක් ක්‍රීඩා කිරීමේ අරමුණින්.
ඊට නවසීලන්තයට එරෙහිව ලබන 18 වනදා ආරම්භ වන ලෝක ටෙස්ට් ශූරතාවලියේ අවසන් තරගය සහ අගෝස්තු 4 වැනිදා එංගලන්තයට එරෙහිව ආරම්භ වන තරග 5කින් යුත් ටෙස්ට් තරගාවලිය ඇතුළත්.
ඇපෙන්ඩිසයිටිස් රෝගය නිසා පසුගිය මාසයේ දී ශල්‍යකර්මයකට මුහුණ දුන් කේ.එල් රාහුල් ද මෙම සංචාරයට එක්ව ඇති අතර, ශාරීරික යෝග්‍යතාවය සුදුසු මට්ටමක පැවැතියහොත් පමණක් ඔහුට තරග කිරීමේ අවස්ථාව හිමි වනු ඇති.
අවසන් වරට ඉන්දීය කණ්ඩායම එංගලන්ත ටෙස්ට් තරග සංචාරයක නිරත වූ අවස්ථාවේ දී ඉන්දියාව ටෙස්ට් තරගාවලිය පරාජයට පත් වූයේ තරග 4-1ක් ලෙසයි.