Watch : ක්රීඩාංගනයේ හට ගත් ගින්නක් හේතුවෙන් BBL තරගයක් අතරමග තාවකාලිකව නතර කෙරේ
2024/25 බිග් බෑෂ් ලීග් ක්‍රිකට් තරගාවලිය යටතේ මෙරට වේලාවෙන් අද (16) දහවල් ආරම්භ වූ තරගාවලියේ 36 වැනි තරගය අතරතුරදී ඇති වූ ගින්නක් හේතුවෙන් තරගය සුළු වේලාවකට නතර කර තැබීමට සිදු වුණා.
මෙම තරගය බ්‍රිස්බේන්හි ගැබා ක්‍රීඩාංගනයේදී ආරම්භ වුණේ බ්‍රිස්බේන් හීට් හා හෝබාර්ට් හරිකේන්ස් කණ්ඩායම් අතරයි.
තරගයේ පළමුව පන්දුවට පහරදුන් හීට් කණ්ඩායම කඩුලු හයක් දැවී ලකුණු 201 ක් ලබා ගත්තා.
හරිකේන්ස් ඉනිමේ සිව්වැනි පන්දුවාරය අවසන් වීමත් සමගයි DJ සංගීතය ලබා දෙමින් තිබූ ස්ථානයේ මෙම ගිනි ගැනීම හට ගත්තේ.
ගින්න පාලනය කිරීම සදහා ක්රීඩාංගනයේ සේවකයින් කිහිප දෙනෙකුම උත්සාහයක නිරත වන ආකාරය දැක ගත හැකි වුණා.
ගින්නෙන් කිසිවෙකුටත් හානියක් සිදුව නොමැති අතර, ඒ ආසන්නයේ තිබූ ප්‍රේක්ෂකගාර තුළ සිට තරගය නරඹමින් සිටි ප්‍රේක්ෂකයින් වෙනත් ස්ථාන වෙත මාරු කිරීමට ද පියවර ගෙන තිබුණා.
දර්ශන පහතින් –
Play was delayed at The Gabba when a fire broke out in the stands. #BBL14 pic.twitter.com/v2J2OktfuF
— KFC Big Bash League (@BBL) January 16, 2025