පාන්ට්ගේ වගකීම් විරහිත පිතිහරඹයට කෝලි දුන් සැර පිළිතුර
ඉන්දීය ක්‍රිකට් කණ්ඩායමේ කඩුලු රකින පිතිකරු රිෂාබ් පාන්ට් අද(23) දිනයේ දී ද වගකීම් විරහිත පිතිහරඹයක නිරත වනු දක්නට ලැබුණා.
ඒ, දකුණු අප්‍රිකාව සමග පැවැති තෙවැනි එක්දින ක්‍රිකට් තරගයේ දී යි.
මෙම තරගයේ දී ලකුණු 288ක ඉලක්කයක් හඹා යමින් සිටි ඉන්දියාව එක් අවස්ථාවක එක් කඩුල්ලක් පමණක් දැවී ලකුණු 116ක් ලබා සිටියා.
ඒ් වන විට තරගයේ ජයග්‍රහනය පිළිබද වැඩි බලාපොරොත්තු ද රැදී තිබුණේ ඉන්දීය කණ්ඩායමටයි.
කෙසේ වෙතත්, එම අවස්ථාවේ දී ශිකර් ධවාන් ලකුණු 61කට දැවී ගිය අතර, අනතුරුව රිෂාබ් පාන්ට් ද තමන් මුහුණ දුන් පළමු පන්දුවෙන්ම දැවී ගියේ වගකීම් විරහිත හා අනවශ්‍ය පහරක් එල්ල කිරීමට යාමෙන්.
පළමු පන්දුවටම පියවරක් ඉදිරියට පැමිණ දැවැන්ත පහරක් එල්ල කිරීමට ඔහු උත්හාස කළ නමුත්, එය අසාර්ථක වෙමින් ඔහු දැවී ගියේ සිසන්ඩා මගාලා අතට උඩ පන්දුවක් ලබා දෙමින්.
පාන්ට්ගේ එම ක්‍රියාකලාපයට මේ වන විට පාර්ශව රැසකින් දැඩි විවේචන ද එල්ල වනු දක්නට ලැබෙනවා.
එම දැවී යාම සිදු වූ අවස්ථාවේදී අනෙක් අන්තයේ රැදී සිටි විරාට් කෝලි ඊට දැක් වූ අපූර්ව ප්‍රතිචාරය ද මේ වන විට බොහෝ දෙනෙකුගේ අවධානයට යොමුව තිබෙනවා.
එම අවස්ථාවට අදාළ වීඩියෝ දර්ශන කිහිපයක් පහතින් –
— Diving Slip (@SlipDiving) January 23, 2022
Virat Kohli's reaction on that shot of Rishabh Pant 👀 #SAvIND pic.twitter.com/u8fW6uYQmE
— Koksal (@Koksal_PBKS) January 23, 2022