Ultimate magazine theme for WordPress.

LPL දෙවැනි අදියරේ දින යළි තහවුරු කෙරේ; අවසන් තරගය මිලියන 135ක් නැරඹූ බව හෙළි වෙයි

ලංකා ප්‍රිමියර් ලීග් ක්‍රිකට් තරගාවලියේ දෙවැනි අදියර මීට පෙර නිවේදනය කළ පරිදි ජූලි – අගෝස්තු මාසවලදී පවත්වන බව ශ්‍රී ලංකා ක්‍රිකට් ආයතනය අද(8) පස්වරුවේ නිවේදනය කළා.

ඒ අනුව තරගාවලිය ජූලි 30 වනදා සිට අගෝස්තු 22 වනදා දක්වා පැවැත්වෙන බවයි ක්‍රිකට් ආයතනය සදහන් කළේ.

කෙසේ වෙතත්, පසුගිය දිනක මාධ්‍ය වාර්තා පල වුණේ එල්.පී.එල් තරගාවලියේ දෙවැනි අදියර තාවකාලිකව කල් දැමීමට තීරණය කර ඇති බවටයි.

තරගාවලියට අදාළ සෞඛ්‍ය මාර්ගෝපදේශ සෞඛ්‍ය අමාත්‍යංශයේ උපදෙස් මත සකස් කරන බව ද ශ්‍රී ලංකා ක්‍රිකට් ආයතනය නිවේදනය කළා.

පසුගිය වසරේ පැවැති එල්.පී.එල් තරගාවලියේ පළමු අදියරට ලොව පුරා දැඩි ප්‍රේක්ෂක අවධානයක් යොමු වූ බවත්, අවසන් මහා තරගය මිලියන 135ක ප්‍රේක්ෂක පිරිසක් නරඹා තිබූ බවත් ක්‍රිකට් ආයතනය නිකුත් කළ මාධ්‍ය නිවේදනයක සදහන්.

කණ්ඩායම් 5කගේ සහභාගීත්වයෙන් පැවැති පළමු අදියරේ ශූරතාවය දිනා ගත්තේ ජැෆ්නා ස්ටැලියන්ස් කණ්ඩායමයි.

You might also like
logo