49 හැවිරිදි තම්බේ CPL පිටියේ දැක් වූ වැඩ
කැරිබියන් ප්‍රිමියර් ලීග් තරගාවලිය නියෝජනය කළ පළමු ඉන්දීය ක්‍රීඩකයා බවට පත්වීමට ප්‍රවීන් තම්බේ සමත් වූ බව ඔබ දන්නවා ඇති.
ඉන්දිය කණ්ඩායම වෙනුවෙන් ජාත්‍යන්තර වරම් දිනා ගැනීමට ඔහු වාසනාවන්ත නොවුණත් ඉන්දීය ප්‍රිමියර් ලීගයේ තරග 33 ක් නියෝජනය කරමින් කඩුලු 28 ක් දවා ගැනීමට ඔහු සමත්ව සිටියා.
ප්‍රවීන් තම්බේ විසින් පසුගිය දෙවනදා කැරිබියන් ප්‍රිමියර් ලීගයේ පැවති තරගයක දී සුවිශේෂී දක්ෂතාවක් පන්දුවෙන් හා පන්දු රැකීමෙන් දැක්වීමට සමත් වුණා.
49 හැවිරිදි වියට ඉතාමත් ආසන්නව සිටින මේ අපූරූ ක්‍රීඩකයා දක්වා තිබු එම දක්ෂතාවය ලොව පුරා ක්‍රිකට් රසිකයන්ගේ පැසසුමට ලක්ව තිබුණා.
එම තරගයේදී ට්‍රින්බෑගෝ නයිට් රයිඩර්ස් කණ්ඩායම වෙනුවෙන් පන්දුවාර 4 ක් යොමු කරන ඔහු ලකුණු 12 ක් පමණක් ලබා දී එක් කඩුල්ලක් බිඳ හෙලීමට සමත් වුණා.
එමෙන්ම අදාළ තරගයේදී Khary Pierre යොමු කළ පන්දුවකට එවින් ලුවිස් ලබා දුන් උඩ පන්දුවක් තම්බේ විශිෂ්ඨ අන්දමින් රැක ගැනීම කාගෙත් අවධානයට දිනා ගත්තා.
එම අවස්ථා පහත දක්වා ඇති වීඩියෝ තුළින් නරඹන්න –
48 and flying! Pravin Tambe takes a screamer to take the Googly Magic Moment of the game! What a catch! #CPL20 #CricketPlayedLouder #TKRvSKP pic.twitter.com/xsJC49T2Zi
— CPL T20 (@CPL) September 2, 2020