රොසෝව්ගේ මංගල ශතකය අවසන් 20යි 20න් ඉන්දියාව පරදයි
Match Report
![](https://www.hitwicket.lk/wp-content/uploads/2022/10/Rilee-Rossouw-100.jpg)
ඉන්දියාව සමග පැවැති තෙවැනි හා අවසන් පන්දුවාර 20යි 20 ක්රිකට් තරගයෙන් ලකුණු 49 ක ජයක් වාර්තා කිරීමට සංචාරක දකුණු අප්රිකා කණ්ඩායම සමත් වුණා.
කෙසේ වෙතත්, දෙරට අතර පැවැති 20යි 20 තරගාවලිය තරග 2-1 ක් ලෙස ජය ගත්තේ ඉන්දියාවයි.
ඉන්දෝර්හි පැවැති තරගයේ කාසියේ වාසිය දිනූ ඉන්දියාවේ ආරාධනයෙන් පිටියට පිවිසි දකුණු අප්රිකානු පිතිකරුවන් නියමිත පන්දුවාර 20 තුළ කඩුලු 3 ක් දැවී රැස් කළ ලකුණු සංඛ්යාව 227ක්.
සිය මංගල 20යි 20 ජාත්යන්තර ශතකය වාර්තා කළ රයිලි රොසෝව් පන්දු 48 කින් නොදැවී ලකුණු 100 ක් ලබා ගත්තා. ඒ, හයේ පහර 8 හා හතරේ පහර 7 ක් සමගින්.
ක්වෙන්ටන් ඩී කොක් ලකුණු 68 (43) යි. ට්රිස්ටන් ස්ටබ්ස් ලකුණු 23 කට දැවී ගියා.
පන්දු යැවීමේ දී දීපක් චහාර් හා උමේෂ් යාදව් එක් කඩුල්ල බැගින් බිද හෙලුවා.
පිළිතුර ඉනිම ක්රීඩා කළ ඉන්දියාවට පන්දුවාර 18.3 ක් අවසානයේ සියලු දෙනා දැවී ලබා ගත හැකි වූයේ ලකුණු 178 ක් පමණයි.
දිනේෂ් කාර්තික් ලකුණූ 46(21) ක් රැස් කළ අතර, දීපක් චහාර් ලකුණු 31 ක් ලබා ගත්තා.
පන්දු යැවීමේ දී ඩ්වේයන් ප්රෙටෝරියස් ලකුණු 26 කට කඩුලු 3 ක් බිද හෙලුවා. වේන් පාර්නෙල්, ලුන්ගි එන්ගිඩී හා කේෂාව් මහරාජ් කඩුලු 2 බැගින් දවා ගත්තා.
— cric fun (@cric12222) October 4, 2022