ටකර්ගේ සටන අපතේ යවමින් ඔස්ට්රේලියාවට ලකුණු 42 ක ජයක්
Match Report
![](https://www.hitwicket.lk/wp-content/uploads/2022/10/Glenn-Maxwell-celebrates.jpg)
ලෝකන් ටකර් පන්දු 48 කින් නොදැවී ලබා ගත් ලකුණු 71 අපතේ යවමින් අයර්ලන්තය සමග පැවැති මෙවර පන්දුවාර 20යි 20 ලෝක කුසලාන ක්රිකට් තරගාවලියේ 31 වැනි තරගයෙන් ලකුණු 42 ක ජයක් වාර්තා කිරීමට සත්කාරක ඔස්ට්රේලියානු කණ්ඩායම අද(31) සමත් වුණා.
බ්රිස්බේන්හි පැවැති තරගය ජය ගැනීම සදහා අයර්ලන්තයට ලකුණු 180 ක දැවැන්ත ඉලක්කයක් හිමි වූ නමුත්, ඔවුන්ට පන්දුවාර 18.1 ක් අවසානයේ සියලු දෙනා දැවී ලබා ගත හැකි වූයේ ලකුණු 137 ක් පමණයි.
ඉනිමේ පළමු කඩුලු 5 ලකුණු 25 ක් තුළ බිද වැටුණු පසුබිමකයි හුදෙකලා සටනක නිරත වෙමින් ලෝකන් ටකර් ලකුණු 71 ක් රැස් කළේ. ඒ, හයේ පහරක් හා හතරේ පහර 9ක් ද සමගින්.
පන්දු යැවීමේ දී පැට් කමින්ස්, ග්ලේන් මැක්ස්වෙල්, මිචෙල් ස්ටක් හා ඇඩම් සම්පා කඩුලු 2 බැගින් බිද හෙලුවා.
තරගයේ කාසියේ වාසිය දිනූ අයර්ලන්තයේ ආරාධනයෙන් පළමුව පන්දුවට පහරදුන් ඔස්ට්රේලියාව ලකුණු 179 ක් ලබා ගත්තේ කඩුලු 5 ක් දැවී සිටියදීයි.
නායක ආරෝන් ෆින්ච් ලකුණු 63(44) ක් ද, මර්කස් ස්ටොයිනිස් ලකුණු 35(25) ක් ද රැස් කළා. මිචෙල් මාෂ් ලකුණු 28යි.
පන්දු යැවීමේ දී Barry McCarthy කඩුලු 3 ක් දවා ගත් අතර, ජොෂ් ලිට්ල් කඩුලු 2ක් බිද හෙලුවා.
Barry McCarthy remember the name.#AUSvIRE #AUSvsIRE#T20WorldCuppic.twitter.com/5NrHHLoERL
— Cricket Videos🏏 (@Crickket__Video) October 31, 2022