කේන් සහ බෝල්ට් 20යි විස්සෙන් විවේක ගන්වයි

බටහිර ඉන්දීය කොදෙව් කණ්ඩායමට එරෙහි නවසීලන්ත 20යි 20 සංචිතය මෙරට වේලාවෙන් අද (16) ප්‍රකාශයට පත් කෙරුණා.

මෙම තරගාවලියෙන් නිත්‍ය නායක කේන් විලියම්සන් සහ ට්‍රෙන්ට් බෝල්ට් විවේක ගන්වා ඇති බවයි එරට ක්‍රිකට් ආයතනය නිවේදනය කළේ.

ඒ අනුව ක්‍රීඩකයින් 13 දෙනෙකුගෙන් යුත් නවසීලන්ත සංචිතය ටිම් සවුති විසින් මෙහෙයවනු ඇති.

ජාතික සංචිතය සදහා පළමු වරට Devon Conway කැදවා ඇති අතර, ක්යිල් ජමිසන් ද පළමු වරට 20යි 20 සංචිතයට නම් කර තිබීම විශේෂත්වයක්.

කෙසේ වෙතත්, ක්යිල් ජමිසන්, ටිම් සවුති සහ රෝස් ටේලර් පළමු 20යි 20 තරග දෙක සදහා පමණක් නම් කර ඇති බව සදහන්.

ඒ අනුව ඔවුන් තිදෙනා ලබන 30 වනදා ක්‍රීඩකයින් 13 දෙනෙකුගෙන් යුත් ටෙස්ට් සංචිතය සමග එක් වනු ඇති.

ඔවුන් වෙනුවට අවසන් 20යි 20 තරගය සදහා නම් කර ඇත්තේ Mark Chapman, Doug Bracewell සහ Scott Kuggeleijn යන ක්‍රීඩකයින්.

බිග් බෑෂ් ලීග් තරගාවලියට එක්වන කොලින් මුන්රෝ මෙම 20යි 20 සංචිතයට නම් කර නැහැ.

දෙරට අතර පැවැත්වෙන තරග 3කින් යුත් 20යි 20 තරගාවලියේ පළමු තරගය ලබන 27 වනදා පැවැත්වීමට නියමිතයි.

T20I Squad:

Tim Southee (c), Hamish Bennett, Devon Conway, Lockie Ferguson, Martin Guptill, Kyle Jamieson, Daryl Mitchell, Jimmy Neesham, Glenn Phillips, Mitchell Santner, Ish Sodhi, Tim Seifert (wk), Ross Taylor

Test Squad:

Kane Williamson (c), Tom Blundell, Trent Boult, Colin de Grandhomme, Kyle Jamieson, Tom Latham, Henry Nicholls, Ajaz Patel, Tim Southee, Ross Taylor, Neil Wagner, BJ Watling (wk), Will Young