කෙටිම ටෙස්ට් තරග 10ට එක්වූ දෙවන ටෙස්ට් තරගය ජය පැරදුමෙන් තොර වෙයි

සංචාරක පාකිස්තාන කණ්ඩායම සහ එංගලන්ත කණ්ඩායම අතර පැවැති දෙවන ටෙස්ට් ක‍්‍රිකට් තරගය ජය පරාජයෙන් තොරව අද(17) අවසන් වුණා.

වර්ෂාවෙන් දැඩි බාධා එල්ල වූ මෙම තරගයේ දී ඉනිම් දෙකක් පමණක් ක්‍රියාත්මක වූ අතර, එහිදී ක්‍රීඩා කළ සමස්ත පන්දුවාර සංඛ්‍යාව 134.3ක් පමණයි.

ඒ අනුව මෙම තරගය එංගලන්තයේ දී පැවැති කෙටිම ටෙස්ට් තරග 10 අතරට ද එක් වුණා.

අද දිනය ආරම්භ කරන විට සිය පළමු ඉනිම ක්‍රීඩා කරමින් සිටි එංගලන්තය කඩුලු 1ක් දැවී ලකුණු 7ක් ලබා සිටියා

ඔවුන් සිය පළමු ඉනිම අත්හිටුවීමට තීරණය කළේ කඩුලු 4ක් දැවී ලකුණු 110ක් ලබා සිටියදීයි.

සැක් ක්‍රව්ලි ලකුණු 53යි.

පන්දු යැවීමේ දී මොහොමඩ් අබ්බාස් කඩුලු 2ක් බිද හෙලුවා.

එංගලන්තය ඉනිම අත්හිටුවීමෙන් පසුව තරගය ජය පරාජයෙන් තොරව අවසන් කිරීමටයි තීරණය කෙරුණේ.

වර්ෂාව හේතුවෙන් තරගයේ තෙවැනි දිනය සම්පූර්ණයෙන් අතහැර දැමීමට සිදු වූ අතර, සිව්වන දිනයේ දී ද ක්‍රීඩා කිරීමට හැකි වූයේ පන්දුවාර 10.2ක් පමණයි.

සවුත්හැම්ටන්හි පැවැති තරගයේ පළමුවෙන් පන්දුවට පහරදුන් පාකිස්තානය සිය පළමු ඉනිම සදහා  සියලු දෙනා දැවී රැස් කර ගත් ලකුණු සංඛ්‍යාව 236ක්.

මොහොමඞ් රිස්වාන් ලකුණු 72ක් සහ අබිඩ් අලී ලකුණු 60ක් ලබා ගත්තා.

පන්දු යැවීමේ දී ස්ටුවට් බ්‍රෝඞ් කඩුුලු 4ක් සහ ජේම්ස් ඇන්ඩර්සන් කඩුලු 3ක් බිද හෙලූවා.

ඒ අනුව දෙරට අතර පැවැත්වෙන තරග 3කින් යුත් ටෙස්ට් ක්‍රිකට් තරගාවලිය තරග 1-0ක් ලෙස එංගලන්තය මේ වන විට ඉදිරියෙන් පසුවනවා.

මේ අතර, දෙවැනි ටෙස්ට් තරගයේ අවසන් පන්දුව පාකිස්තාන නායක අසාර් අලී විසින් යොමු කිරීම කාගේත් අවධානය දිනා ගත් අවස්ථාවක් බවට පත් වුණා.

ඊට අදාළ වීඩියෝ දර්ශන පහතින් –


You might also like