එංගලන්තය 229ක් පිටුපසින් – සිව්වන දිනටත් වර්ෂාවෙන් දැඩි බාධා – Day 4 Report

සංචාරක පාකිස්තාන කණ්ඩායම සහ එංගලන්ත කණ්ඩායම අතර පැවැත්වෙන දෙවන ටෙස්ට් ක‍්‍රිකට් තරගයේ සිව්වන දිනය අද(16) නිමා වුණා.

ඒ වන විට සිය පළමු ඉනිම ක්‍රීඩා කරමින් සිටි එංගලන්තය කඩුලු 1ක් දැවී ලකුණු 7ක් ලබා සිටියා.

රොරී බර්න්ස් ලකුණු නොලබා සිටිය දී දවා ගැනීමට ශහීන් ශාෂ් අෆ්රිඩි සමත් වුණා.

වර්ෂාව හේතුවෙන් ඊයේ දිනය සම්පූර්ණයෙන් අතහැර දැමීමට සිදු වූ අතර, අද දිනයේ දී ද ක්‍රීඩා කිරීමට හැකි වූයේ පන්දුවාර 10.2ක් පමණයි.

අද දිනය ආරම්භ කරන විට සිය පළමු ඉනිම ක‍්‍රීඩා කරමින් සිටි පාකිස්තානය කඩුලු 9ක් දැවී ලකුණු 223ක් ලබා සිටියා.

කෙසේ වෙතත්, ඔවුන්ට සියලු දෙනා දැවී රැස් කර ගත හැකි වූයේ ලකුණු 236ක් පමණයි.

මොහොමඞ් රිස්වාන් ලකුණු 72ක් සහ අබිඩ් අලී ලකුණු 60ක් ලබා ගත්තා. බබාර් අසාම් ලකුණු 47යි.

පන්දු යැවීමේ දී ස්ටුවට් බ්‍රෝඞ් කඩුුලු 4ක් සහ ජේම්ස් ඇන්ඩර්සන් කඩුලු 3ක් බිද හෙලූවා.

ඒ අනුව එංගලන්තය මේ වන විට පිටුපසින් පසුවන ලකුණු සංඛ්‍යාව 229ක්. තරගය සවුත්හැම්ටන් හී දී පැවැත්වෙනවා.

You might also like