LPL අවසන් තරගය අද – නුවන් තුෂාර අවධානමක
ලංකා ප්‍රිමියර් ලීග් ක්‍රිකට් තරගාවලියේ අවසන් මහා තරගය අද(16) පැවැත්වෙනවා.
ඒ, තිසර පෙරේරාගේ නායකත්වයෙන් යුත් ජැෆ්නා ස්ටැලියන්ස් කණ්ඩායම සහ භානුක රාජපක්ෂගේ නායකත්වයෙන් යුත් ගෝල් ග්ලැඩියේර්ස් කණ්ඩායම අතරයි.
තරගය රාත්‍රී 7ට හම්බන්තොට මහින්ද රාජපක්ෂ ජාත්‍යන්තර ක්‍රිකට් ක්‍රීඩාංගනයේ දී ආරම්භ වනු ඇති.
කණ්ඩායම් දෙක අතර මෙවර තරගාලියේ දී පැවැති තරග දෙකේම ජය හිමි කර ගත්තේ ජැෆ්නා ස්ටැලියන්ස් කණ්ඩායමයි.
අවසන් පූර්ව තරග සදහා ක්‍රීඩා කළ කණ්ඩායම් දෙකම බොහෝ විට අද තරගය සදහා ද ක්‍රීඩා කිරීමේ වැඩි ඉඩක් පවතින බව සදහන්.
කෙසේ වෙතත්, ගාලු කණ්ඩායමේ වේග පන්දු යවන ක්‍රීඩක නුවන් තුෂාරගේ ආබාධ තත්ත්වය තවමත් සම්පූර්ණයෙන් සුව වී නැහැ.
ඔහු සුදුසු ශාරීරික යෝග්‍යතාවයකින් පසු නොවුණහොත් ඔහු වෙනුවට වෙනත් ක්‍රීඩකයෙකු කණ්ඩායමට ආදේශ කරනු ඇති.
යාපනය සංචිතයේ සියලු ක්‍රීඩකයින් තරග කිරීමට සුදුසු ශාරිරික යෝග්‍යතාවයෙන් පසුවන බවයි වාර්තා වන්නේ.
යාපනය කණ්ඩායමේ දග පන්දු යවන ක්‍රීඩක වනිදු හසරංගට මුහුණ දීම අවසන් තරගයේ දී ගාලු කණ්ඩායමේ පිතිකරුවන් මුහුණ දෙන ප්‍රධාන අභියෝගයක් බවට පත් වනු ඇති.
MATCH OFFICIALS –
MATCH REFEREE : Ranjan Madugalle
ON-FIELD UMPIRES : Kumar Dharmasena, Ruchira Palliyaguruge
TV UMPIRE : Lyndon Hannibal
4th UMPIRE : Raveendra Wimalasiri