අලීම් ඩාර් ඉතිහාසගත වෙයි
ICC via Getty
ජාත්‍යන්තර විනිසුරුවරයෙකු වන පාකිස්තානයේ අලීම් ඩාර් අද නව ලෝක වාර්තාවක් පිහිටුවනු ලැබුවා.
ඒ, වැඩිම එක්දින ජාත්‍යන්තර තරග සංඛ්‍යාවක් පිටියේ විනිසුරුවරයෙකු ලෙස කටයුතු කරමින්.
ඔහු අද පැවැත්වෙන පාකිස්තාන – සිම්බාබ්වේ දෙවැනි එක්දින ක්‍රිකට් තරගයේ දී යි මෙම කඩඉම පසු කළේ.
මේ වන විට අලීම් ඩාර් එක්දින ජාත්‍යන්තර තරග 210කදී පිටියේ විනිසුරුවරයෙකු ලෙස කටයුතු කර තිබෙනවා.
මීට පෙර මෙම වාර්තාවට හිමිකම් කීවේ එක්දින තරග 209කදී පිටියේ විනිසුරුවරයෙකු ලෙස කටයුතු කළ දකුණු අප්‍රිකාවේ රූඩි කර්ට්සන්.
ඊට අමතරව බිලී බව්ඩන් එක්දින තරග 200කදී පිටියේ විනිසුරුවරයෙකු ලෙස කටයුතු කර අදාළ ලැයිස්තුවේ තෙවැනි ස්ථානයේ පසුවනවා.
වැඩිම ජාත්‍යන්තර තරග (ටෙස්ට්, එක්දින සහ 20යි 20) සංඛ්‍යාවකදී විනිසුරුවරයෙකු ලෙස කටයුතු කර ඇත්තේ ද අලීම් ඩාර් වීම විශේෂත්වයක්.
එම තරග සංඛ්‍යාව 388ක්.