ලංකා ප්‍රිමියර් ලීග් ක්‍රිකට් තරගාවලිය යටතේ ඊයේ පැවැති මෙවර තරගාවලියේ 6 වැනි තරගය දෙස මේ වන විට ලොව පුරා බොහෝ දෙනෙකුගේ අවධානය යොමුව ඇති බවක් දක්නට ලැබෙනවා.
හම්බන්තොට දී මෙම තරගය පැවැත්වුණේ කැන්ඩි ටස්කර්ස් කණ්ඩායම සහ ගෝල් ග්ලැඩියේටර්ස් කණ්ඩායම අතරයි.
Match Report – ධනුෂ්කගේ 82(53) අපතේ යවමින් කැන්ඩි ටස්කර්ස් පළමු ජය ලබයි
එම තරගයෙන් කැන්ඩි ටස්කර්ස් කණ්ඩායම ලකුණු 25ක ජයක් වාර්තා කළ අතර, තරගය අතරතුර දී වූ සිදුවීමක් බොහෝ දෙනෙකුගේ කතාබහට ලක් වුණා.
කැන්ඩි ටස්කර්ස් කණ්ඩායමේ නවීන් උල් හක් සහ ගාලු කණ්ඩායමේ මොහොමඩ් අමීර් අතර යම් උණුසුම් වචන හුවමාරුවක් තරගයේ අවසන් පන්දුවාර කිහිපයේ දී සිදු වූ අතර, තරගයෙන් පසුව ගාලු කණ්ඩායමේ නායක ශහිඩ් අෆ්රිඩි ද ඊට ප්‍රතිචාර දක්වා සිටියේ නවීන් උල් හක් සමග වචන හුවමාරුවක නිරත වෙමින්.