ශ්‍රී ලංකා දග පන්දු යවන තුන් ඉරියව් ක්‍රීඩක වනිදු හසරංග ආබාධයකට ලක්ව ඇති බව වාර්තා වනවා.
ඒ හේතුවෙන් ඉන්දියාවට එරෙහිව අද(23) පැවැත්වීමට නියමිත තෙවැනි හා අවසන් එක්දින තරගය සදහා ඔහු ක්‍රීඩා නොකිරීමට වැඩි ඉඩක් පවතින බව සදහන්.
කෙසේ වෙතත්, ඔහුගේ ආබාධය බරපතල තත්ත්වයක නොපවතින බවයි වාර්තා වුණේ.
කසුන් රාජිත ද ආබාධයකට ලක්ව ඇති බැවින් අවම වශයෙන් ශ්‍රී ලංකා කණ්ඩායම අද තරගය සදහා වෙනස්කම් දෙකක් සිදු කිරීමට නියමිතයි.
ඒ අනුව අකිල ධනංජය, රමේෂ් මෙන්ඩිස්, ඉෂාන් ජයරත්න හා ප්‍රවීන් ජයවික්‍රම යන ක්‍රීඩකයින්ගෙන් කිහිප දෙනෙකු තෙවැනි තරගය සදහා ක්‍රීඩා කිරීමට ඉඩ තිබෙනවා.
තෙවැනි හා අවසන් එක්දින තරගය අද(23) පස්වරු 3ට කොළඹ ආර්. ප්‍රේමදාස ක්‍රීඩාංගනයේ දී ආරම්භ වීමට නියමිතයි.