ශ්රී ලංකාව හා ඉන්දියාව අතර පැවැත්වීමට නියමිත එක්දින හා 20යි 20 තරගාවලියන්හි ජාත්යන්තර විස්තර විචාරක කමිටුව ශ්රී ලංකා ක්රිකට් ආයතනය විසින් නිවේදනය කර තිබෙනවා.
ඒ අනුව සුපුරුදු පරිදි ශ්රී ලංකාවෙන් රසල් ආර්නල්ඩ් හා රොෂාන් අබේසිංහ යන මහත්වරුන් සියලු තරග සදහා විස්තර විචාරකයින් ලෙස එක් වීමට නියමිතයි.
එමෙන්ම ඉන්දියාවේ මුරලි කාර්තික් හා චාරු ශර්මා ද ජාත්යන්තර විස්තර විචාරකයින් ලෙස කටයුතු කරනු ඇති.
දකුණු අප්රිකාවේ H.D Ackerman ද මෙම තරගාවලි සදහා විස්තර විචාරයෙන් දායක වන බවයි ක්රිකට් ආයතනය සදහන් කළේ.
ඉන්දු – ශ්රී ලංකා තරග 3කින් යුත් එක්දින ක්රිකට් තරගාවලියේ පළමු තරගය හෙට (18) කොළඹ ආර්. ප්රේමදාස ක්රීඩාංගනයේ දී පැවැත්වීමට නියමිතයි.