Watch : අතීතය සිහිපත් කළ ඩිල්ෂාන්ගේ සුපිරි පන්දු රැකීම
හිටපු ක්‍රිකට් ක්‍රීඩකයින් ක්‍රීඩා කරන Road Safety World Series තරගාවලියේ 10 වැනි තරගය අද (18) පස්වරුවේ ඉන්දෝර් හී දී ආරම්භ වුණා.
ඒ, ශ්‍රී ලංකා ලෙජන්ඩ්ස් කණ්ඩායම හා දකුණු අප්‍රිකා ලෙජන්ඩ්ස් කණ්ඩායම අතරයි.
තරගයේ කාසියේ වාසිය දිනූ දකුණු අප්‍රිකා පිලේ ආරාධනයෙන් පළමුව පන්දුවට පහරදුන් ශ්‍රී ලංකාව කඩුලු 6 ක් දැවී ලකුණු 165 ක් ලබා ගත්තා.
නායක තිලකරත්න ඩිල්ෂාන් එක් ලකුණකට දැවී ගිය අතර, ඩිල්ෂාන් මුණවීර ලකුණු 26 යි. උපුල් තරංග ලකුණු 36 ක් ද, චාමර සිල්වා ලකුණු 18 ක් ද රැස් කළා.
අසේල ගුණරත්න ලකුණු 25 කට දැවී ගියා. ඉසුරු උදාන ලකුණු 6 යි. පන්දු 27 කින් නොදැවී ලකුණු 43 ක් වාර්තා කරමින් ජීවන් මෙන්ඩිස් ශ්‍රී ලංකා කණ්ඩායමට වේගවත් අවසානයක් හිමි කර දුන්නා. ඔහුගේ ඉනිමට හයේ පහර 2 ක් හා හතරේ පහර 5ක් ඇතුළත්.
පන්දු යැවීමේ දී Garnett Kruger කඩුලු 2 ක් දවා ගත් අතර, වර්නන් ෆිලැන්ඩර් හා ජොහාන් බෝතා එක් කඩුල්ල බැගින් බිද හෙලුවා.
දකුණු අප්‍රිකා ලෙජන්ඩ්ස් කණ්ඩායම පිළිතුරු ඉනිම ක්‍රීඩා කිරීමේ දී විශිෂ්ඨ පන්දු රැකීමක් තුළින් මෙරට ක්‍රීඩාලෝලීන්ට අතීතය යළි සිහිපත් කිරීමට තිලකරත්න ඩිල්ෂාන් සමත් වුණා.
එහි දර්ශන පහතින් නරඹන්න –
— cric fun (@cric12222) September 18, 2022