Ultimate magazine theme for WordPress.

Watch : සුපිරි පන්දු රැකීමක් හමුවේ විරාට් කෝලි දුවද්දී දැවී ගිය හැටි

Video
By admin

මෙවර ඉන්දීය ප්‍රිමියර් ලීග් ක්‍රිකට් තරගාවලියේ 27 වැනි තරගය අද(16) රාත්‍රියේ මුම්බායිහි වන්කඩේ ක්‍රීඩාංගනයේ දී ආරම්භ වුණා.

ඒ, දිල්ලි කැපිටල්ස් කණ්ඩායම හා රෝයල් චැලෙන්ජර්ස් බැංගලෝර් කණ්ඩායම අතරයි.

තරගයේ කාසියේ වාසිය දිනූ කැපිටල්ස් කණ්ඩායම පළමුවෙන් පන්දු රැකීමටයි තීරණය කළේ.

ඒ අනුව පිටියට පිවිසි බැංගලෝර් පිතිකරුවන් නියමිත පන්දුවාර 20 තුළ කඩුලු 5ක් දැවී ලකුණු 189ක් රැස් කිරීමට සමත් වුණා.

ඒ, ඉනිමේ 5 වැනි කඩුල්ල ලකුණු 92 දී බිද වැටුණු පසුබිමකයි.

අනතුරුව දිනේෂ් කාර්තික් පන්දු 34කින් නොදැවී ලකුණු 66ක් ලබා ගනිමින් බැංගලෝර් කණ්ඩායම ප්‍රබල ලකුණු සංඛ්‍යාවක් කරා රැගෙන යාමට සමත් වුණා.

බැංගලෝර් ඉනිමේ දී විරාට් කෝලි ලකුණු 12(14)කට දුවද්දී දැවී යාම ද කැපී පෙනුණු සිදුවීමක්. ඒ, ලලිත් යාදව්ගේ සුපිරි පන්දු රැකීමක් හේතුවෙන්.

ඔහු විසින් කඩුල්ලට යොමු කළ පන්දුව කෙළින්ම කඩුල්ලේ වැදීම හේතුවෙනුයි කෝලිගේ ඉනිම ලකුණු 12කට සීමා වුණේ.