Watch : ලිටොන් දවා ගැනීමට මෙන්ඩිස් රැක ගත් විශිෂ්ඨ උඩ පන්දුව
ආසියානු කුසලාන එක්දින ක්‍රිකට් තරගාවලියේ සුපිරි 4 වටයේ දෙවැනි තරගයේ දී විශිෂ්ඨ උඩ පන්දුවක් රැක ගැනීමට ශ්‍රී ලංකා කඩුලු රකින ක්‍රීඩක කුසල් මෙන්ඩිස් අද(9) සමත් වුණා.
කොළඹ ආර්. ප්‍රේමදාස ක්‍රීඩාංගනයේ දී අද දහවල් ආරම්භ වූ මෙම තරගයේ කාසියේ වාසිය දිනූ බංග්ලාදේශය පළමුව පන්දුවට පහර දීමේ අවස්ථාව ශ්‍රී ලංකාවට ලබා දුන්නා.
ඒ අනුව ශ්‍රී ලංකාව නියමිත පන්දුවාර 50 නිමා කළේ කඩුලු 9 ක් දැවී ලකුණු 257 ක් ලබා ගනිමින්.
ඉනිමේ වැඩිම ලකුණුලාභියා වූ සධීර පන්දු 72 කින් ලකුණු 93 ක් රැස් කළා. හයේ පහර 2ක් හා හතරේ පහර 8 ක් ඔහුගේ ඉනිමට ඇතුළත්.
බංග්ලාදේශ පිළිතුරු ඉනිමේ සිව්වැනි කඩුල්ල ලෙස ලිටොන් දාස් දවා ගැනීම සදහායි මෙන්ඩිස් විසින් විශිෂ්ඨ උඩ පන්දුවක් රැක ගත්තේ.
දාස් ලකුණු 15 ක් ලබා සිටියදීයි දැවී ගියේ. ඒ, දුනිත් වෙල්ලාලගේගේ පන්දුවක් හමුවේයි.
එම කඩුල්ලේ දර්ශන පහතින් නරඹන්න –
— CricDaily24 (@cricday96) September 9, 2023