Ultimate magazine theme for WordPress.

Watch : ලැන්කෂයර් ආරම්භක පිතිකරු දවා ගන්න අසිත යොමු කළ සුපිරි පන්දුව

Video
By admin

බ්‍රිතාන්‍යයේ පැවැත්වෙන ප්‍රාන්ත සිව්දින ක්‍රිකට් තරගාවලියේ දී නොටින්හැම්ෂයර් කණ්ඩායම නියෝජනය කරන ශ්‍රී ලංකා වේග පන්දු යවන ක්‍රීඩක අසිත ප්‍රනාන්දු ලැන්කෂයර් කණ්ඩායමට එරෙහි තරගයේ දී විශිෂ්ඨ කඩුලු දෙකක් දවා ගැනීමට සමත් වුණා.

මැන්චෙස්ටර් හී දී පැවැත්වෙන මෙම තරගයේ පළමු දින දෙකම වර්ෂාව හේතුවෙන් අත්හැර දැමීමට සිදු වුණා.

කාසියේ වාසිය දිනූ නොටින්හැම්ෂයර් කණ්ඩායමේ ආරාධනයෙන් පළමුව පන්දුවට පහරදීමට පිටියට පිවිසි ලැන්කෂයාර් කණ්ඩායම තෙවැනි දිනය සදහා තරගය නතර කරන විට කඩුලු 6 ක් දැවී ලකුණු 225 ක් ලබා සිටියා.

ස්ටීවන් ක්‍රොෆ්ට් ලකුණු 45 ක් රැස් කළ අතර, නායක කීටන් ජෙනින්ග්ස් ලකුණු 42 කට දැවී ගියා.

පන්දු යැවීමේ දී අසිත ප්‍රනාන්දු කඩුලු 2 ක් දවා ගත්තේ ලකුණු 31 ක් ලබා දෙමින්.

ඔහුගේ පන්දු කෙළින්ම කඩුල්ලේ වැදීම හේතුවෙන් දැවී ගියේ ලුක් වෙල්ස් හා ජෝර්ජ් බෙල් යන පිතිකරුවන්.

එම කඩුලු අතරින් ඉනිමේ පළමු කඩුල්ල ලෙස ලුක් වෙල්ස් දවා ගැනීමට අසිත යොමු කළ පන්දුව බොහෝ දෙනෙකුගේ අවධානය දිනා ගැනීමට සමත් වුණා. (දර්ශන පහතින්)