Watch : ප්රේක්ෂකයින් යළි අතීතයට රැගෙන ගිය ජයසූරියගේ සුපිරි ඉනිම
ඕමානයේ පැවැති ප්‍රවීනයින්ගේ ලීග් ක්‍රිකට් තරගාවලිය ඊයේ(29) රාත්‍රියේ නිමා වුණේ එහි ශූරතාවය වර්ල්ඩ් ජයන්ට්ස් කණ්ඩායමට හිමි කර දෙමින්.
ඔවුන් හමුවේ අවසන් මහා තරගයේ දී ලකුණු 25කින් පරාජයට පත් වූයේ ආසියානු ලයන්ස් කණ්ඩායමයි.
තරගයේ පළමුවෙන් පන්දුවට පහරදුන් ජයන්ට්ස් කණ්ඩායම නියමිත පන්දුවාර 20 නිමා කළේ කඩුලු 5ක් දැවී ලකුණු 256ක් ලබා ගනිමින්.
පිළිතුරු ඉනිම ක්‍රීඩා කළ ආසියානු කණ්ඩායමට පන්දුවාර 20 තුළ ලබා ගත හැකි වූයේ කඩුලු 8ක් දැවී ලකුණු 231ක් පමණයි.
ආසියානු පිල වෙනුවෙන් ආරම්භ කඩුල්ල සදහා තිලකරත්න ඩිල්ෂාන් හා සනත් ජයසූරිය පන්දුවාර 5.3ක් තුළ ලකුණු 57ක සබදතාවයක් ගොඩ නැගුවා.
එම සබදතාවය බිද වැටුණේ ඩිල්ෂාන් ලකුණු 25(16)කට දැවී යාමත් සමගයි.
ජයසූරිය පන්දු 23කින් ලබා ගත් ලකුණු 38 ට හයේ පහරක් හා හතරේ පහර 5ක් ඇතුළත් වුණා.
මෙරට පමණක් නොව ලොව පුරා බොහෝ ප්‍රේක්ෂක පිරිසක් යළි අතීතයට රැගෙන යාමට ජයසූරියගේ එම ඉනිමට ඇතුළත් වූ අලංකාර හා ඔහුටම ආවේනික වූ පහරවල්වලට හැකි වුණා.
සනත් ජයසූරියගේ ඉනිම පහතින් නරඹන්න –
Sanath 😍 pic.twitter.com/DQxVefyhcy
— cric sl (@cricslvideo) January 29, 2022