Ultimate magazine theme for WordPress.

උඩු ගුවනේ පියඹමින් සුචිත් තනි අතින් රැකගත් විශිෂ්ඨ උඩ පන්දුව

මෙවර ඉන්දීය ප්‍රිමියර් ලීග් ක්‍රිකට් තරගාවලියේ එක්සත් අරාබි එමීර් රාජ්‍ය අදියර මේ දිනවල ඉතා සාර්ථකව ක්‍රියාත්මක වනවා.

තරගාවලියේ දී මේ වන විටත් විශිෂ්ඨ උඩ පන්දු රැක ගැනීම් කිහිපයක්ම දැක ගැනීමට ප්‍රේක්ෂකයන්ට අවස්ථාව හිමිව තිබෙනවා.

එවැනි විශිෂ්ඨ උඩ පන්දු රැක ගැනීමක් තරගාවලියේ 37 වැනි තරගයේ දී ද දැක ගත හැකි වුණා.

සන්රයිසස් හයිද්‍රාබාද් කණ්ඩායම සහ පංජාබ් කිංග්ස් කණ්ඩායම අතරයි මෙම තරගය පැවැත්වුණේ.

පංජාබ් කිංග්ස් කණ්ඩායම මෙම තරගයේ ප්‍රථමයෙන් පන්දුවට පහර දුන් අතර, ඔවුන්ගේ ඉනිමේ 16 වන පන්දුවාරයේ දී ජේසන් හොල්ඩර් විසින් යොමු කළ 4 වන පන්දුවට කවර් ප්‍රදේශයට ඉහළින් ඉතා වේගවත් පහරක් එල්ල කිරීමට දීපක් හූදා උත්සාහ කළා.

කෙසේ වෙතත්, ඔහුගේ උත්සහාය ව්‍යාර්ථ කරමින් ඉතාමත් විශිෂ්ඨ අන්දමින් එය උඩපන්දුවක් ලෙස රැක ගැනීමට ජගදීෂ සුචිත් සමත්වුණා.

විදුලි වේගයෙන් පියඹා ගොස් උඩු ගුවනේ දී තනි අතින් ඔහු රැකගත් මෙම උඩ පන්දුව ක්‍රිකට් විස්තර විචාරකයන්ගේ මෙන්ම ලොව පුරා ක්‍රීඩා ලෝලීන්ගේ ද වඩාත් පැසසුමට ලක් වනු දක්නට ලැබුණා.

Leave a comment
logo