Watch : හර්ඩික්ට විරෝධය පෑ මුම්බායි ප්රේක්ෂකයින්ම හර්ඩික්ට දැක් වූ සුපිරි ප්රතිචාරය මෙන්න
2024 පන්දුවාර විස්සයි 20 ලෝක ශූරතාවය ජය ගත් ඉන්දීය කණ්ඩායම ඇගයීම වෙනුවෙන් විශේෂ උත්සවයක් ඊයේ(4) රාත්රියේ දී මුම්බායි හි වන්කඩේ ක්රීඩාංගනයේ දී පැවැත්වුණා.
වන්කඩේ ක්රීඩාංගනයට ඉන්දීය කණ්ඩායම පෙළහරකින් රැගෙන ඒම සිදු වූ අතර, එහිදී මුම්බායි නුවර මග දෙපසට අති දැවැන්ත ක්රීඩාලෝලීන් පිරිසක් එක් රැස්ව සිටිනු දැක ගත හැකි වුණා.
ඉන්දීය ක්රිකට් පාලක මණ්ඩලය විසින් ජයග්රාහී කණ්ඩායමට ලබා දීමට මීට පෙර පොරොන්දු වූ ඉන්දීය රුපියල් කෝටි 125 ක මූල්ය ත්යාගය ද මෙම උත්සව අවස්ථාවේ දී පිරිනමනු ලැබුවා.
නායක රෝහිත් ෂර්මා, විරාත් කෝලි, පුහුණුකරු රාහුල් ඩ්රාවිඩ් හා ජස්ප්රිට් බුම්රා මෙම උත්සව අවස්ථාවේ දී අදහස් පල කරමින් පැමිණ සිටි දහස් සංඛ්යාත ක්රීඩාලෝලීන් ආමන්ත්රණය කළා.
මෙම උත්සවයට පැමිණි ක්රීඩාලෝලීන් මුම්බායි ඉන්දියන්ස් නායක හර්ඩික් පාන්ඩ්යා වෙනුවෙන් ප්රීතිඝෝෂා පැවැත්වීම ද කැපී පෙනුණ සිදුවීමක්. ඒ, නිමා වූ අයි.පී.එල් තරගාවලියේ දී මුම්බායි ප්රේක්ෂකයින් ඔහුට එරෙහිව දැඩි විරෝධයක් පල කළ පසුබිමකයි. (දර්ශන කිහිපයක් පහතින්)
කොදෙව් දූපත්වලට බලපෑ සුළිකුණාටුවක් හේතුවෙන් ඉන්දීය කණ්ඩායම යළි ඉන්දියාවට පැමිණීම දින කිහිපයකින් ප්රමාද වූ අතර, ඊයේ පෙරවරු කාලයේ දී යි ඔවුන් දිල්ලි නුවරට ළගා වුණේ.
අනතුරුව දිල්ලි හී දී ඔවුන් ඉන්දීය අග්රාමාත්යවරයා ද මුණ ගැසුණා. ඉන් අනතුරුවයි ඉන්දීය කණ්ඩායම මුම්බායි නුවරට පැමිණියේ.
Rohit Sharma said – “Hats off to Hardik Pandya bowled final over and he bowled brilliantly”.
– Then Wankhade crowds chanting “Hardik Hardik”.#IndianCricketTeam #RohitSharma𓃵 #hardikpandya #Mumbai #wankhede pic.twitter.com/Rg1croF0Wj
— Sanjeev Dherdu (@sanjeevdherdu) July 4, 2024
2 months after he was massively booed by the fans, HARDIK HARDIK chants take over Wankhede 🔥🔥🔥
GREATEST REDEMPTION IN THE HISTORY OF CRICKET!!!!#T20WorldCup pic.twitter.com/BMDQgWTyfT
— Vinesh Prabhu (@vlp1994) July 4, 2024
#WATCH | Rohit Sharma and Virat Kohli lift the #T20WorldCup2024 trophy and show it to the fans who have gathered to see them hold their victory parade, in Mumbai. pic.twitter.com/jJsgeYhBnw
— ANI (@ANI) July 4, 2024