Watch : ස්මිත් අසරණ කළ වනිදුගේ සුපිරි ගුග්ලි පන්දුව ; ශ්රී ලංකාවට ලකුණු 150ක ඉලක්කයක්
ශ්රී ලංකාව හා ඔස්ට්‍රේලියාව අතර පළමු පන්දුවාර 20යි 20 ක්‍රිකට් තරගය අද(11) සිඩ්නි ක්‍රිකට් ක්‍රීඩාංගනයේ දී ආරම්භ වුණා.
තරගයේ කාසියේ වාසිය දිනූ ශ්රී ලංකා නායක දසුන් ශානක පළමුවෙන් පන්දු රැකීමටයි තීරණය කළේ.
ශ්රී ලංකාවේ ආරාධනයෙන් පළමුව පන්දුවට පහර දීමට පිටියට පිවිසි ඔස්ට්රේලියානු කණ්ඩායම නියමිත පන්දුවාර 20 අවසන් කළේ කඩුලු 9ක් දැවී ලකුණු 149ක් ලබා ගනිමින්.
සිය මංගල 20යි 20 ජාත්‍යන්තර අර්ධ ශතකය වාර්තා කළ බෙන් මැක්ඩමට් ලකුණු 53 (41) ක් රැස් කළා. ඒ, හයේ පහර 3ක් හා හතරේ පහර 2ක් සමගින්.
මංගල 20යි 20 තරගයට ක්‍රීඩා කළ ජොෂ් ඉන්ග්ලිස් ලකුණු 23කට දැවී ගියා.
මර්කස් ස්ටොයිනිස් පන්දු 17කින් වේගවත් ලකුණු 30ක් රැස් කිරීමට සමත් වුණා.
පන්දු යැවීමේ දී වනිදු හසරංග ලකුණු 38 කට කඩුලු 3 ක් දවා ගත්තා. ආරෝන් ෆින්ච්, ග්ලේන් මැක්ස්වෙල් හා ස්ටීවන් ස්මිත්ගේ කඩුලු වනිදු හසරංග විසින් දවා ගනු ලැබුවා.
බිනුර ප්‍රනාන්දු ලකුණු 12කට කඩුලු 2ක් බිද හෙලූ අතර, චාමික කරුණාරත්න ලකුණු 22කට කඩුලු 2ක් ද, දුෂ්මන්ත චමීර ලකුණු 38කට කඩුලු 2ක් ද දවා ගත්තා.
හසරංග විසින් ස්මිත්ගේ කඩුල්ල දවා ගත් අයුරු –
Three for Hasaranga!
The leggie finishes his spell with the wickets of Finch, Maxwell and Smith #AUSvSL pic.twitter.com/9UErKb5FxQ
— cricket.com.au (@cricketcomau) February 11, 2022