Watch : ශ්රී ලංකාව යළි සටනට අවතීර්ණ කළ තීක්ෂණගේ කඩුලු දෙක
ශ්රී ලංකාව හා නවසීලන්තය අතර දඹුල්ලේ පැවැත්වෙන පළමු එක්දින ක්‍රිකට් තරගයේ දී එක් පන්දුවාරයකදී කඩුලු දෙකක් දවා ගනිමින් ශ්රී ලංකාව යළි සටනට අවතීර්ණ කිරීමට මහීෂ් තීක්ෂණ අද(13) සමත් වුණා.
තරගයේ කාසියේ වාසිය දිනා පළමුව පන්දුවට පහරදුන් ශ්රී ලංකාව පන්දුවාර 49.2 ක් අවසානයේ කඩුලු 5 ක් දැවී ලකුණු 324 ක් ලබා සිටියදී තරගයට වර්ෂාවෙන් බාධා එල්ල වුණා.
අනතුරුව ශ්රී ලංකා ඉනිම අවසන් කෙරුණු අතර, නවසීලන්තයට තරගය ජය ගැනීම සදහා පන්දුවාර 27 කදී ලකුණු 221 ක ඉලක්කයක් හිමි වුණා.
නවසීලන්ත ඉනිමේ පළමු කඩුල්ලට ලකුණු 88 ක සාර්ථක සම්බන්ධතාවයක් ගොඩ නැගීමට ටිම් රොබින්සන් හා විල් යන්ග් සමත් වුණේ තරගයේ ජයග්‍රහනය පිළිබද බලාපොරොත්තු ශ්රී ලංකාවෙන් කෙමෙන් කෙමෙන් දුරස් කරමින්.
කෙසේ වෙතත්, 14 වැනි පන්දුවාරයේදී ක්‍රියාත්මක වූ මහීෂ් තීක්ෂණ ආරම්භක පිතිකරුවන් දෙදෙනාම යළි ක්‍රීඩක විවේකාගාරය වෙත හරවා යැවීමට සමත් වුණා.
— cric sl (@cricslvideo) November 13, 2024