Watch : මෙන්ඩිස් හා චාමික අතර ඇති වූ උණුසුම් වචන හුවමාරුව මෙන්න
මෙවර ලංකා ප්‍රිමියර් ලීග් ක්‍රිකට් තරගාවලිය යටතේ කලම්බු ස්ට්‍රයිකර්ස් කණ්ඩායම හා දඹුල්ල අවුරා කණ්ඩායම අතර අද(5) පැවැති 8 වැනි තරගයේ දී කොළඹ කණ්ඩායමේ චාමික කරුණාරත්න හා දඹුල්ල කණ්ඩායමේ නායක කුසල් මෙන්ඩිස් අතර උණුසුම් වචන හුවමාරුවක් සිදු වුණා.
මෙම තරගයෙන් ස්ට්‍රයිකර්ස් පිල පරදා ලකුණු 10 ක ජයක් වාර්තා කිරීමට සමත් වුණේ දඹුල්ල අවුරා කණ්ඩායමයි.
තරගයේ කාසියේ වාසිය දිනූ ස්ට්‍රයිකර්ස් පිලේ ආරාධනයෙන් පළමුව පන්දුවට පහරදුන් දඹුල්ල කණ්ඩායම නියමිත පන්දුවාර 20 අවසන් කළේ කඩුලු 6 ක් දැවී ලකුණු 192 ක් ලබා ගනිමින්.
පිළිතුරු ඉනිම ක්‍රීඩා කළ ස්ට්‍රයිකර්ස් පිලට පන්දුවාර 20 අවසානයේ දී කඩුලු 4 ක් දැවී ලබා ගත හැකි වූයේ ලකුණු 182 ක් පමණයි.
තරගයේ අවසන් පන්දුවාරයේ දී යි මෙන්ඩිස් හා චාමික අතර මෙම උණුසුම් වචන හුවමාරුව සිදු වුණේ. (දර්ශන පහතින්)
— CricDaily24 (@cricday96) August 5, 2023