Watch : භානුකගේ 86 (49) කිංග්ස් පිලට ජය ගෙනෙයි
භානුක රාජපක්ෂගේ සුපිරි පිතිහරඹය හමුවේ මෙවර කැරිබියන් ප්‍රිමියර් ලීග් ක්‍රිකට් තරගාවලියේ 26 වැනි තරගයේ දී ගයානා ඇමසන් වොරියර්ස් කණ්ඩායම පරදා කඩුලු 7ක ජයක් වාර්තා කිරීමට ශාන්ත ලුසියා කිංග්ස් කණ්ඩායම මෙරට වේලාවෙන් අද(15) අලුයම සමත් වුණා.
ගයානා හී දී පැවැති තරගයේ කාසියේ වාසිය දිනා පළමුව පන්දුවට පහරදුන් වොරියර්ස් කණ්ඩායම නියමිත පන්දුවාර 20 අවසානයේ කඩුලු 5 ක් දැවී ලකුණු 167 ක් ලබා ගත්තා.
පිළිතුරු ඉනිම ක්‍රීඩා කළ කිංග්ස් කණ්ඩායම පන්දුවාර 17.3 ක් අවසානයේ කඩුලු 3 ක් දැවී ජයග්‍රාහී ඉලක්කය පසු කළා.
භානුක පන්දු 49 කින් ලකුණු 86 ක් රැස් කළේ හයේ පහර 5 ක් හා හතරේ පහර 9 ක් සමගින්. (දර්ශන පහතින්) කොලින් මන්රෝ ලකුණු 55(43) යි.
පළමුව පන්දුවට පහරදුන් වොරියර්ස් පිල වෙනුවෙන් අසාම් ඛාන් ලකුණු 40 ක් හා ෂේයි හෝප් ලකුණු 38 ක් රැස් කළා.
පන්දු යැවීමේ දී අල්සාරි ජෝසප් ලකුණු 31 කට කඩුලු 2 ක් දවා ගත්තා.
තරගයේ වීරයා සම්මානයෙන් පිදුම් ලැබුවේ භානුක රාජපක්ෂ.
භානුකගේ සුපිරි ඉනිම ඇතුළත් වීඩියෝ දර්ශන කිහිපයක් පහතින් –
Stunning knock from Bhanuka Rajapaksa including these 6️⃣6️⃣6️⃣6️⃣#CPL23 #GAWvSLK #CricketPlayedLouder #BiggestPartyInSport pic.twitter.com/5DReFSvlrb
— CPL T20 (@CPL) September 15, 2023
Bhanuka Rajapaksa's 86 runs off 49 balls means he is tonights @Dream11 MVP 💪#CPL23 #GAWvSLK #CricketPlayedLouder #BiggestPartyInSport pic.twitter.com/7oiOmMP3ek
— CPL T20 (@CPL) September 15, 2023