Watch : අළුබදුන 2-2 ක් ලෙස සම වෙයි ; ක්‍රිකට් දිවියේ අවසන් පන්දුවෙනුත් බ්‍රෝඩ්ට කඩුල්ලක්
Match Report
සංචාරක ඔස්ට්‍රේලියානු කණ්ඩායම සමග පැවැති 5 වැනි හා අවසන් අළුබදුන ටෙස්ට් ක්‍රිකට් තරගයෙන් ලකුණු 49 ක ජයක් වාර්තා කරමින් තරගාවලිය තරග 2-2 ක් ලෙස සම තත්ත්වයෙන් අවසන් කර ගැනීමට එංගලන්තය අද(31) සමත් වුණා.
ලන්ඩන් නුවර ඕවල් ක්‍රීඩාංගනයේ පැවැති තරගයේ අවසන් දිනය වූ අද දිනය ආරම්භ කරන විට සිය දෙවැනි ඉනිමේ දී තරගය ජය ගැනීම සදහා ලකුණු 384 ක ඉලක්කයක් හඹා යමින් සිටි ඔස්ට්‍රේලියාව කඩුලු කිසිවක් නොදැවී ලකුණු 135 ක් ලබා සිටි අතර, ඔවුන්ට සියලු දෙනා දැවී ලබා ගත හැකි වූයේ ලකුණු 334 ක් පමණයි.
උස්මාන් කවාජා ලකුණු 72 ක්, ඩේවිඩ් වෝනර් ලකුණු 60 ක් හා ස්ටීවන් ස්මිත් ලකුණු 54ක් රැස් කළා. ට්‍රැවිස් හෙඩ් ලකුණු 43 යි.
පන්දු යැවීමේ දී ක්‍රිස් වෝක්ස් කඩුලු 4 ක් දවා ගත් අතර, මොයීන් අලී කඩුලු 3 ක් දවා ගත්තා. මෙම තරගයෙන් පසුව ක්‍රිකට් පිටියට සමු දෙන ස්ටුවට් බ්‍රෝඩ් කඩුලු 2 ක් බිද හෙලුවා. ඔස්ට්‍රේලියානු ඉනිමේ අවසන් කඩුල්ල ද දවා ගත්තේ ඔහුයි.
තරගයේ පළමුව පන්දුවට පහරදුන් එංගලන්තය සියලු දෙනා දැවී ලකුණු 283 ක් රැස් කළ අතර, පිළිතුරු ලෙස ඔස්ට්‍රේලියාව සියලු දෙනා දැවී ලබා ගත් ලකුණු සංඛ්‍යාව 295 ක්. අනතුරුව එංගලන්තය සිය දෙවැනි ඉනිම සදහා සියලු දෙනා දැවී ලකුණු 395 ක් ලබා ගත්තා.
A fairytale ending for a legend of the game.
Broady, thank you ❤️ #EnglandCricket | #Ashes pic.twitter.com/RUC5vdKj7p
— England Cricket (@englandcricket) July 31, 2023