Ultimate magazine theme for WordPress.

PSL අවසන් වටය අදින් ඇරඹේ

පාකිස්තාන සුපර් ලීග් ක්‍රිකට් තරගාවලියේ අවසන් වටයේ තරග අද(21) ආරම්භ වනවා.

අවසන් වටයේ පළමු තරගය (Qualifier) පැවැත්වෙන්නේ ඉස්ලාමාබාද් යුනයිටඩ් කණ්ඩායම සහ මුල්ටාන් සුල්ටාන්ස් කණ්ඩායම අතරයි.

එම තරගය මෙරට වේලාවෙන් පස්වරු 6.30ට අබුඩාබිහී දී ආරම්භ වීමට නියමිතයි.

ඉන් ජය ගන්නා කණ්ඩායම ලබන 24 වනදා පැවැත්වෙන අවසන් මහා තරගය සදහා සුදුසුකම් ලබා ගන්නවා.

පරාජය වන කණ්ඩායම අවසන් වටයේ තෙවැනි තරගය (Eliminator 2) සදහා සුදුසුකම් ලබනු ඇති.

අවසන් වටයේ දෙවැනි තරගය (Eliminator 1) අද රාත්‍රී 11.30ට අබුඩාබිහී දී ආරම්භ වන්නේ පෙෂාවර් සල්මි සහ කරච්චි කිංග්ස් කණ්ඩායම් අතරයි.

ඉන් ජය ගන්නා කණ්ඩායම අවසන් වටයේ තෙවැනි තරගයට (Eliminator 2) සුදුසුකම් ලබන අතර, එහිදී ඔවුන් අවසන් වටයේ පළමු තරගයෙන් පරාජයට පත් වූ කණ්ඩායම සමග හෙට(22) දිනයේ දී තරග කිරීමට නියමිතයි.

එම තරගයෙන් ජයගන්නා කණ්ඩායමට අවසන් මහා තරගය සදහා සුදුසුකම් ලබා ගැනීමේ අවස්ථාව හිමිවනවා.

You might also like
logo