Ultimate magazine theme for WordPress.

LPL තරගාවලියේ ගෝලීය විකාශන අයිතිය හිමි වූ නාලිකාව නිවේදනය කෙරේ

ලංකා ප්‍රිමියර් ලීග් (LPL) ක්‍රිකට් තරගාවලියේ දෙවැනි අදියරේ ද ගෝලීය විකාශන අයිතිය ඉන්දියාවේ සෝනි පික්චර්ස් නෙට්වර්ක්ස් (Sony Pictures Networks India) ආයතනය හිමිකර ගෙන තිබෙනවා.

පිට පිටම දෙවැනි වරටයි සෝනි පික්චර්ස් නෙට්වර්ක් ආයතනය LPL තරගාවලියේ නිල විකාශන අයිතිය මෙලෙස හිමි කර ගත්තේ.

ලංකා ප්‍රිමියර් ලීග් තරගාවලියේ රූපවාහිනී විකාශනයට අමතරව ඩිජිටල් සම්ප්‍රේෂණ බෙදා හැරීමේ අයිතිය ද ලබා ගැනීමට එම ආයතනය සමත්ව තිබෙනවා.

ඒ අනුව මෙවර LPL තරගාවලියේ සියලු තරග Sony Six සහ Sony Ten 2 නාලිකා හරහා විකාශනය කිරීමට නියමිතයි.

ඉදිරි වසර 5 සඳහා ලංකා ප්‍රිමියර් ලීග් තරගාවලියන් හි දේශීය විකාශන අයිතිය හිමිකර ගැනීමට Supreme TV නාලිකාව මීට පෙර සමත් වී තිබුණා.

මෙවර ලංකා ප්‍රිමියර් ලීග් තරගාවලිය දෙසැම්බර් 05 වැනිදා සිට 23 වැනිදා දක්වා පැවැත්වීමට නියමිතයි.

Leave a comment
logo