LPL ඉතිහාසයේ අඩුම ලකුණු සංඛ්යාවට දඹුල්ල දැවී යයි
ලංකා ප්රිමියර් ලීග් ක්රිකට් තරග ඉතිහාසයේ කණ්ඩායමක් ඉනිමක දී රැස් කළ අවම ලකුණු සංඛ්යාව වාර්තා කිරීමට දඹුල්ල ජයන්ට්ස් කණ්ඩායමට අද(13) සිදු වුණා.
ජැෆ්නා කිංග්ස් කණ්ඩායමට එරෙහිව අද රාත්රියේ දී ආර්. ප්රේමදාස ක්රීඩාංගනයේ දී ආරම්භ වූ මෙවර තරගාවලියේ 14 වැනි තරගයේ දී යි ඔවුන් එලෙස වාර්තාගත ලකුණු සංඛ්යාවකට දැවී ගියේ.
මෙම තරගයේ ආරම්භයට වර්ෂාවෙන් බාධා එල්ල වූ බැවින් තරගය ආරම්භ වුණේ රාත්රී 8.15ටයි.
කාසියේ වාසිය දිනූ කිංග්ස් කණ්ඩායමේ ආරාධනයෙන් පළමුව පන්දුවට පහරදුන් ජයන්ට්ස් කණ්ඩායමට පන්දුවාර 14.1ක් අවසානයේ සියලු දෙනා දැවී ලබා ගත හැකි වූයේ ලකුණු 69ක් පමණයි.
පිල් සෝල්ට් ලකුණු 23ක් හා තරිදු රත්නායක ලකුණු 14ක් රැස් කළ අතර, සෙසු කිසිදු පිතිකරුවෙකුට ලකුණු 10 සීමාවට ළගා වීමට හැකි වූයේ නැහැ.
පන්දු යැවීමේ දී චතුරංග ද සිල්වා ලකුණු 16කට කඩුලු 4ක් ද, මහීෂ් තීක්ෂණ ලකුණු 21කට කඩුලු 3ක් ද බිද හෙලුවා.
වනිදු හසරංග, ෂොයිබ් මලික් හා අශේන් බණ්ඩාර එක් කඩුල්ල බැගින් බිද හෙලුවා.
We pocketed that innings didn't we 😎
Now let's start the chase 👑#JKvDG #ADIDAAMACHA #KingsOfTheNorth #LPL2021 #YaalKollo pic.twitter.com/5XFhJ1jZlz— Jaffna Kings (@KingsJaffna) December 13, 2021