Ultimate magazine theme for WordPress.

IPL වෙන්දේසියේ දී ඉහළම මිලකට අලෙවි වූ ක්‍රීඩකයින් 11 දෙනා

දින දෙකක් පුරා බැංගලූරුහී දී පැවැති මෙවර ඉන්දීය ප්‍රිමියර් ලීග් ක්‍රිකට් තරගාවලියට අදාළ ක්‍රීඩක වෙන්දේසිය නිමාවට පත් වුණේ ක්‍රීඩකයින් 204 දෙනෙකු අලෙවි වෙමින්.

විවිධ මිල ගණන් යටතේ එම ක්‍රීඩකයින් මිලදී ගැනීමට අයි.පී.එල් තරගාවලියට එක් වන කණ්ඩායම් හිමිකරුවන් කටයුතු කළා.

සියලු කණ්ඩායම් විසින් ක්‍රීඩකයින් මිලදී ගැනීම සදහා වැය කළ මුදලෙහි මුළු වටිනාකම ඉන්දීය රුපියල් කෝටි 551 කට අධිකයි.

මෙවර වෙන්දේසියේ දී ඉහළම මිලකට අලෙවි වූයේ ඉන්දියාවේ ඉෂාන් කිෂන්.

ඉන්දීය රුපියල් කෝටි 15.25 ක මිලකට ඔහුව මිලදී ගත්තේ ඉෂාන් කිෂන් මීට පෙර නියෝජනය කළ මුම්බායි ඉන්දියන්ස් කණ්ඩායම විසින්මයි.

මෙවර වෙන්දේසියේ දී ඉහළම මිලකට අලෙවි වූ විදෙස් ක්‍රීඩකයා වූයේ එංගලන්තයේ ලියම් ලිවින්ග්ස්ටන්.

පංජාබ් කිංග්ස් කණ්ඩායම විසින් ඔහුව මිලදී ගත්තේ ඉන්දීය රුපියල් කෝටි 11.5ක මුදලකටයි.

මෙවර වෙන්දේසියේ ඉහළම මිලකට අලෙවි වූ ක්‍රීඩකයින් 11 දෙනා පහතින් –

  1. ඉෂාන් කිෂන් : මුම්බායි ඉන්දියන්ස් – ඉන්දීය රුපියල් කෝටි 15.25
  2. දීපක් චහාර් : චෙන්නායි සුපර් කිංග්ස් – ඉන්දීය රුපියල් කෝටි 14
  3. ෂ්රෙයස් අයියර් : කොල්කටා නයිට් රයිඩර්ස් – ඉන්දීය රුපියල් කෝටි 12.25
  4. ලියම් ලිවින්ග්ස්ටන් : පංජාබ් කිංග්ස් – ඉන්දීය රුපියල් කෝටි 11.5
  5. ශර්දුල් තාකූර් : දිල්ලි කැපිටල්ස් – ඉන්දීය රුපියල් කෝටි 10.75
  6. වනිදු හසරංග : රෝයල් චැලෙන්ජර්ස් බැංගලෝර් – ඉන්දීය රුපියල් කෝටි 10.75
  7. හර්ෂාල් පටෙල් : රෝයල් චැලෙන්ජර්ස් බැංගලෝර් – ඉන්දීය රුපියල් කෝටි 10.75
  8. නිකලස් පූරාන් : සන්රයිසස් හයිදරාබාද් – ඉන්දීය රුපියල් කෝටි 10.75
  9. ලොකී ෆර්ගියුසන් : ගුජරාට් ටයිටන්ස් – ඉන්දීය රුපියල් කෝටි 10
  10. අවේෂ් ඛාන් : ලක්නව් සුපර් ජයන්ට්ස් – ඉන්දීය රුපියල් කෝටි 10
  11. ප්‍රසිද් ක්‍රිෂ්නා – රාජස්ථාන් රෝයල්ස් – ඉන්දීය රුපියල් කෝටි 10
Leave a comment
logo