Ultimate magazine theme for WordPress.

IPL වෙන්දේසියේ දී අලෙවි වූ සතුටට පූරාන්ගෙන් රුපියල් 40,000ක පීසා පාටියක්

බටහිර ඉන්දීය කොදෙව් පිතිකරු නිකලස් පූරාන් සිය කණ්ඩායමේ සාමාජිකයින්ට පීසා සංග්‍රහයක් ලබා දී ඇති බව ඉන්දීය මාධ්‍ය වාර්තා කරනවා.

මේ වන විට ඉන්දීය තරග සංචාරයක නිරතව සිටින කොදෙව් කණ්ඩායම සදහා ඔහු විසින් එලෙස පීසා ආහාර සංග්‍රහයක් ලබා දී ඇත්තේ මෙවර අයි.පී.එල් ක්‍රීඩක වෙන්දේසියේ දී තමා අලෙවි වීමේ සතුට පල කිරීම සදහායි.

පීසා 15ක් ඔහු විසින් ඇනවුම් කර තිබූ බවත්, ඒ සදහා ඔහුට ඉන්දීය රුපියල් 15,000ක මුදලක් වැය වී ඇති බවත් සදහන්.

එහි වටිනාකම ශ්‍රී ලංකා මුදලින් රුපියල් 40,000ක් පමණ වනවා.

2021 අයි.පී.එල් තරග වාරයේ දී ඔහු පංජාබ් කිංග්ස් කණ්ඩායම නියෝජනය කළ නමුත්, ඔහුට එතරම් සාර්ථකත්වයක් පෙන්නුම් කිරීමට එම තරගවලියේ දි හැකි වූයේ නැහැ.

මේ වන විටත් සැලකිය යුතු දක්ෂතා අතර ඔහු නොසිටිය ද, නිමා වූ ක්‍රීඩක වෙන්දේසියේ දී නිකලස් පූරාන්ව ඉන්දීය රුපියල් කෝටි 10.75ක මුදලකට මිලදී ගැනිමට සන්රයිසස් හයිදරාබාද් කණ්ඩායම කටයුතු කළා.

Leave a comment
logo