Instagram සටහනක් වෙනුවෙන් කෝලි අය කරන අලුත්ම මිල මෙන්න ; ලෝකෙන්ම 3 වෙයි
Instagram සමාජ මාධ්‍ය ජාලයේ සිය ගිණුමෙහි තබන එක් සටහනක් (post) වෙනුවෙන් වැඩිම මුදලක් අය කරන පුද්ගලයින් පිළිබද නවතම වාර්තාවක් Hopper HQ විසින් එළිදක්වා තිබෙනවා.
ඊට අනුව Instagram සමාජ මාධ්‍ය ජාලයේ සටහනක් වෙනුවෙන් වැඩිම මුදලක් අය කරනු ලබන ඉන්දීය පුද්ගලයා වන්නේ සුපිරි ක්‍රිකට් ක්‍රීඩක විරාත් කෝලි.
Instagram සමාජ මාධ්‍ය ජාලය තුළ ඔහුට සිටින අනුගාමිකයින් සංඛ්‍යාව මිලියන 256 කට අධිකයි.
Instagram සටහනක් වෙනුවෙන් ලොව වැඩිම මිලක් අය කරන ක්‍රීඩකයින් අතර කෝලි තෙවැනි ස්ථානයේ රැදී සිටිනවා.
එක් සටහනක් වෙනුවෙන් ඔහු අය කරන මුදල ඉන්දීය රුපියල් කෝටි 11 ක්. (ශ්‍රී ලංකා මුදලින් රුපියල් කෝටි 44 ක් පමණ)
එක් සටහනක් වෙනුවෙන් වැඩිම මිලක් අය කරන ක්‍රීඩකයින් අතර පළමු ස්ථානය පෘතුගාල පාපන්දු ක්‍රීඩක ක්‍රිස්ටියානෝ රොනාල්ඩෝට හිමිව ඇති අතර, දෙවැනි ස්ථානයේ පසුවන්නේ ආර්ජන්ටිනා පාපන්දු ක්‍රීඩක ලයනල් මෙසී.
රොනාල්ඩෝ ඉන්දීය රුපියල් කෝටි 26.75 ක මුදලක් ද, මෙසී ඉන්දීය රුපියල් කෝටි 21.49 ක මුදලක් ද එක් Instagram සටහනක් වෙනුවෙන් අය කරනවා.