Ultimate magazine theme for WordPress.

BPL ක්‍රීඩක තෝරා ගැනීමේ අවස්ථාවට ඉදිරිපත්ව ඇති ප්‍රධාන ශ්‍රී ලංකා ක්‍රීඩකයින්

බංගබන්දු බංග්ලාදේශ ප්‍රිමියර් ලීග් (බී.පී.එල්) ක්‍රිකට් තරගාවලියේ ක්‍රීඩක කෙටුම්පත් කිරීමට(Draft) හෙවත් ක්‍රීඩකයින් තෝරා ගැනීමේ අවස්ථාවට ඉදිරිපත්ව ඇති ක්‍රීඩකයින් කාණ්ඩගත කර ඇති අයුරු විදෙස් ක්‍රීඩා මාධ්‍ය අනාවරණය කර තිබෙනවා.

ඊට අනුව එහි වැඩිම වටිනාකමක් සහිත ක්‍රීඩක කාණ්ඩය වන ‘A’ කාණ්ඩය සදහා ඇතුළත්ව ඇති බංග්ලාදේශ ක්‍රීඩකයින් වන්නේ මෂ්රෆී මොටාසා, ශකිබ් අල් හසාන්, ටමිම් ඉක්බාල්, මහ්මුදුල්ලාහ්, මුෂ්ෆිකර් රහීම් හා මුස්ටර්ෆිසුර් රෙහ්මාන් යන ක්‍රීඩකයින්.

විදෙස් වාර්තාවන්ට අනුව මෙවර බී.පී.එල් ක්‍රිකට් තරගාවලියේ ක්‍රීඩක කෙටුම්පත් කිරීමේ අවස්ථාවට දේශීය ක්‍රීඩකයින් 210 දෙනෙකු හා විදෙස් ක්‍රීඩකයින් 406ක් ඉදිරිපත්ව තිබෙනවා.

විදෙස් ක්‍රීඩකයින් අතරින් ඉහළම ගෙවීමක් හිමිවන ‘A’ කාණ්ඩයට (අමෙරිකානු ඩොලර් 75,000) ශ්‍රී ලංකා ක්‍රීඩකයින් තිදෙනෙකු ඇතුළත්.

එනම් දුෂ්මන්ත චමීර, ඉසුරු උදාන හා වනිදු හසරංගයි.

‘B’ කාණ්ඩය සදහා (අමෙරිකානු ඩොලර් 50,000) ශ්‍රී ලංකාවෙන් ධනුෂ්ක ගුණතිලක, දිනේෂ් චන්දිමාල්, මශීෂ් තීක්ෂණ, නුවන් ප්‍රදීප් හා කුසල් මෙන්ඩිස් ඇතුළත්.

චාමික කරුණාරත්න, ධනංජය ලක්ෂාන්, ලසිත් ඇඹුල්දෙණිය, සීක්කුගේ ප්‍රසන්න හා සුරංග ලක්මාල් යන ක්‍රීඩකයින් ‘C’ කාණ්ඩයට (අමෙරිකානු ඩොලර් 40,000) අයත්.

බංග්ලාදේශ ප්‍රිමියර් ලීග් ක්‍රිකට් තරගාවලියේ මීළග අදියර ජනවාරි 21 වනදා ආරම්භ වීමට නියමිත අතර, ක්‍රීඩක කෙටුම්පත් කිරීම එළඹෙන 27 වනදා සිදු කිරීමට නියමිතයි.

Leave a comment