Ultimate magazine theme for WordPress.

21න් පහළ ක්‍රීඩිකාවන්ට කොන්ත්‍රාත් පිරිනමයි

මෑතකදී ස්ථාපිත කෙරුණු ක්‍රීඩිකාවන් 20 දෙනෙකුගෙන් යුත් වයස අවුරුදු 21න් පහළ කාන්තා සංවර්ධිත සංචිතයේ ක්‍රීඩිකාවන්ට ශ්‍රී ලංකා ක්‍රිකට් ආයතනය විසින් ඊයේ(29) කොන්ත්‍රාත් ලබා දෙනු ලැබුවා.

ශ්‍රී ලංකා ක්‍රිකට් ආයතනයේ මූලස්ථානයේ දී එම කොන්ත්‍රාත් ලබා දීම සිදු කෙරුණු බවයි ක්‍රිකට් ආයතනය නිවේදනය කළේ.

ඉදිරි ජාත්‍යන්තර තරගාවලි සදහා ශක්තිමත්ව සූදානම් වීමේ අරමුණින් මෙම සංචිතය පිහිටුවීමට පියවර ගෙන තිබුණා.

දිවයින පුරා සිදු කළ දක්ෂ ක්‍රීඩිකාවන් සොයා යෑමේ වැඩසටහනක් තුළින් හදුනා ගත් ක්‍රීඩිකාවන් 120 දෙනෙකු අතරින් මෙම ක්‍රීඩිකාවන් 20 දෙනා නම් කෙරුණු අතර, තෝරා ගත් ක්‍රීඩිකාවන් මේ වන විට මාස 3ක විශේෂ පුහුණු වැසටහනකට ද එක්ව සිටිනවා.

අනතුරුව එම ක්‍රීඩිකාවන් දිස්ත්‍රික් හා පළාත් කාන්තා කණ්ඩායම් වෙත යොමු කිරීමට නියමියි.

එහිදී ලබන මාර්තු හා අප්‍රේල් මාසවලදී ශ්‍රී ලංකා ක්‍රිකට් ආයතනය සංවිධාන කිරීමට නියමිත තරගාවලි සදහා ඔවුන්ට ක්‍රීඩා කිරීමට අවස්ථාව හිමි වනු ඇති.

අදාළ ක්‍රීඩිකාවන් සමග මාස 3ක කාලයක් සදහායි (නොවැම්බර් 1 සිට ජනවාරි 31 දක්වා) කොන්ත්‍රාත් ගිවිසුම් අත්සන් කර ඇත්තේ.

Leave a comment
logo